新城電台

去年一場「佔領」鬧劇，使我成為「新城」忠實粉絲。何解？當時為了廿四小時追踪鬧劇發展情況；初時先收聽「香港電台」，此台新聞報導側埋一邊，越聽越唔對路；於是改左聽「商台」，可惜一樣偏頗，連大氣電波都冇一啲似人話嘅嘢聽吓，有咩嘢法子唔教壞年青人？最終，改為收聽「新城」，因為搵倒個中立、講人話嘅電台。

我之前甚少聽電台廣播，祇間中無聊便開「港台」第五台聽吓粵曲。但自此之後，我不再聽「港台」、「商台」，獨鍾情於「新城電台」。即使那鬧劇告終，我依然通宵開住「新城電台」，間中晚上瞓唔著、或者半夜醒來時便聽吓。

我最喜歡該台每天晨早嘅「報紙頭條」。隨了宣讀各大報章頭條新聞外，主持人亦加上個人意見，而這些意見亦非常中肯；遇著政府做得不妥的時候，一樣不留餘地，作出批評。

至於晚上十時至零晨兩三點那時段，基本都是不同節目主持人回答聽眾電話的節目。間中也聽到一點人間百態，但個人有點睇會：現今十多至廿多歲的聽眾，語言表達能力甚差！可能依家啲人用手機、電腦溝通多，亦可能打電話上電台者講述個人經歷時不盡不實，所以俾主持人問多兩問，便不知所措。

咁係咪「新城」全無瑕疵呢？當然唔係！個人覺得此台的新聞報導員質素好有問題。該台差不多半小時便報告新聞，因此同一段新聞可能會報導十多次，但該台不論男女報導員，經常讀錯稿----係讀錯呀！對住稿讀都讀錯才離譜。難為電視新聞主播除讀稿外，還要經常與觀眾有眼神交流！

「新城電台」的新聞報導員實應加把勁，錯得咁頻密，真係難以接受！