沙田第一城車位~

由於真係SSD 搞到住宅冇咩好玩~ 我本身有D貨又唔賣得住~
搞到真係D錢擺係度冇用~放銀行又得個幾蚊息~所以我決定小試牛刀~
搵D野炒賣下~ 好似當年工廈咁`

由於炒賣入場費一定要平,而且買賣成交要比較多~一般會揀旺D的位炒, 早前我有睇過富榮的車位,$80-100萬,都唔係貴,但相對銀碼大,交投少。之後我見到沙一的住宅本身已經升到癲價,可話係細價樓的神話,因而我開始留意佢的車位~原來佢的成交都好勁下,每個月大約有20-30個成交。而且成個沙一車位可買賣的有2200個車位左右, 住宅車位比例1:6左右,因為如沙一班友仔真係有D錢~買架車來玩下都真係唔奇, 再落區睇下佢D租金回報,都有$1800-2000個月,都有3-4厘算不錯~未計賺先計蝕,就算我真係賣唔到都收到下租丫~

我睇個時5月中左右, 放盤大約10個左右,真係貼市價有3-4個~其實就咁睇真係好少盤,問埋D租,都穩陣,唔憂租先,班友仔呢排賺左股票係唔同D,好多人買左車,包括我D朋友~

落區做功課問左地產,個時大車位都係$60萬起步~ 於是一係咁叫地產搵盤,突然間有個一個竟然放$55萬,再問佢係唔係真賣,我一日就決定買佢,真係冇得輸,係因為條租的回報不錯~結果我都唸住長楂番半年左右,一簽約冇耐我就放賣$65萬。點就我一放左冇14日,大訂都未過已經有人肯64萬買, 小弟我又梗係賣左先算~ 因為我覺得呢一刻我會搵到件仲平D。好的貨我唔會沽空,同住宅一樣道理,繼續再持有一件~於是我又再搵件入貨~

炒賣有風險,見好就收,雖然我唔知佢仲可以有幾耐玩~ 不過睇住自己負擔能力,賣唔出,D租夠唔夠你供?