幫仔女報語文課程注意事項

語文科, 唔係一朝一夕學得好

唔好期望一星期只有一個鐘既課堂可以極速改變小朋友既進度

如果返去唔溫習, 有機會全部唔記得

因為短期記憶真係短, 唔溫習, 去唔到長期記憶, 咪浪費晒囉

其實依家有教phonics

我個心都係成日同自己講: ipa就好用, phonics係我一向覺得有問題既野

但我教過ipa, 要小朋友記呢d符號唔容易

要佢地返屋企溫習更難

phonics望落去只係普通英文字母, 好似比較適合小朋友

所以好多地方都有教phonics

亦唔可以話phonics完全冇用, 只係我比較追求卓越, ipa先可以解釋所有既英文讀音

有家長問 phonics要學幾耐

大概有42個發音, 但又有好多其他音都可以教

可以係一個字母既不同發音, 或者兩個字母加埋變唔同發音, 你要繼續學咪學埋三個字母

但底子打唔好, 唔返去溫, 就一個字母都搞唔掂, 你唔好期望導師好rush咁教晒就等於小朋友識晒

(但係又會有家長話, 會唔會教黎教去果d野架喎... 所以我個課程係唔可以重覆每堂既野, 必定會rush...)

當然我都明白有d家長真係嚮屋企俾唔到支援, 係咁既話... 可唔可以唔好好似投訴咁話, 個小朋友返到去唔識呢...

當然我都明白, 家長又係冇時間管住小朋友既

同埋小朋友話唔定唔俾家長管住

我有個爭扎架

除左phonics同ipa之爭

學生程度亦係一個要考慮既問題, 直接影響進度

而課程發展應該按原定計劃唔睇學生因素, 定係因材施教呢?

我嘗試照顧學生既個別差異, 因為嚮社區中心可以3歲同8歲同一班架嘛

而我成日聽到家長講, 其他小朋友咁細, 會唔會影響我小朋友架?

又聽聞有家長話: 課程咁深, 我其實想佢學識abc咁架咋...

我心裏面就覺得, 如果未準備好再學, 可以返去溫下書

小朋友要有空閒同空間, 慢慢學返好基本既野

當然, 咁我係冇得繼續賺佢地錢, 但嚮幫助佢地學習方面, 呢個空檔係需要既

只係, 請我既人唔會咁覺得

但咁我都冇辦法, 我會繼續做好自己

希望再可以學習點樣同d家長有效溝通, 應該都係會對小朋友學習有幫助既