睇劇駁劇，是否執著！

尋晚「無線」播緊「武則天」果陣，上海位姪女whatsapp我：

「點解咁快生番晒D頭髮？」事緣武則天在感業寺出家，佢買通某人取得地圖及鎖匙，趁寺中舉行大慶典時逃走。但鏡頭所見，佢束了短髮----從光頭至短髮嘅長度，豈馬都要兩三個月啦！有咩嘢理由？

我：「係囉！」

姪女：「我見武媚娘一回宮，皇上經已瓜左(劇集講李世民見唔倒武則天最後一面)。」因為講緊武則天有孕，但以常理李世民冇可能、亦冇機會令武懷孕。

我：「個胎係李治嘅。」姪女上星期回港表示，佢冇追此劇，祇是間中睇吓周刊嘅劇情；可能因此知啲唔知啲掛！

姪女：「都唔見有講武媚娘同李治有路！」嘩！你睇啲、唔睇啲，點答你呀？

我：「李世民剛去世果晚，武媚娘傷心欲絕，李治安慰佢並擁入懷中，跟住...(冇交待)...我估係果晚發生關係掛！套劇講左，個仔係李治嘅。」

姪女：「但歷史不是說皇上病重，武天天去伺候，剛見到李治已經有路，那時皇上仲未死。」我之前睇過一套講武則天嘅華語劇，真係講皇上彌留之時，李治與武在其床邊攪野。

我：「呢啲係野史！」

姪女：「

歷史同電視劇太不一樣囉！」嘩！駛唔駛咁嚴重呀？

我：「睇劇駁劇，唔好咁執著啦！」

姪女：「想了解清楚歷史是怎樣的。」

我：「咁就睇歷史書，唔好睇劇咯。」

姪女：「李治同阿爸的女人在寺廟攪完，還明目張膽有了再帶回來！Anyway, pretty crazy(唉！算啦，亂嚟嘅)！」李治都唔知係自己嘅骨肉先攪笑！咁其他繽妃同第二啲人攪完，話係佢嘅，佢又信咯喎？

我：「辯機出現最無聊，唐朝男女關係都好離譜！」

姪女：「就係，不知所謂！」

「無線」之前聲稱此劇是濃縮版本，但係節奏超慢(有些情節根本可有可無)；但係有些情節又精簡到離譜喎：

一. 武則天從感業去逃走，經已束了短髮！那她怎可能瞞倒寺中各人？

二. 李世民中毒箭/毒煙死唔去經已奇聞啦！仲轉眼間行得走得，完全唔似曾經死過番生！

三. 李世民好得快之餘、亦死得快！忽然之間，劇本要佢死，佢就即死---真係未許留人到五更！

四. 武媚娘回宮後，高陽公主送來假髮！真係驚嘆唐朝有咁好嘅假髮製造技術呀。

五. 睇劇最怕係形容女角美若天仙。因為觀眾一定會比較：姪女初時覺得范冰冰靚(我則從來唔覺！我覺得佢係帶左有色隱形眼鏡，所以眼神怪怪咁)，但上星期佢返港時，也認同扮演徐慧果位更靚(呢樣我認同)。我之前睇過「越王勾踐」，該劇色演西施果位姐姐真係....唉！最近「無線收費台」播「神鵰俠侶」，色演「小龍女」果位似係男扮女妝，橫睇掂睇都表達唔倒金庸筆下小龍女果種不食人間煙火嘅出塵形態。

哈！又話睇劇唔好駁劇？我係講唔好以睇歷史嘅心態去睇啫，冇理由當觀眾白癡嘅都唔出聲架。