雜魚木瓜湯

呢個湯係上星期「吾淑吾食」嘉賓鄧智達教嘅，其實冇咩嘢特別，響我煮開嘅齋湯材料內加入左雜魚啫，都冇理由唔好味啦！

材料：

雜魚(我買左一兜池魚仔、一兜紅衫魚，共廿五蚊)

青木瓜一個切大件

腰果、花生、栗子各一飯碗

果皮、薑

一. 魚洗淨，下鹽/胡椒粉略醃。另外煲適量滾水。

二. 將魚煎香，倒入滾水再煲滾。將魚放入魚袋內。

三. 湯水轉入湯煲內，下魚袋及所有材料煲滾約十分鐘，轉小火煲兩小時。

註：

一. 通常煲魚湯最好混合兩種或以上魚類，甚至是淡水魚混咸水魚，湯味更好。

二. 青木瓜香、熟木瓜甜，自由取捨。