為「錢」辛苦為「錢」忙！

匯豐銀行150週年紀念鈔票，我抽倒兩張。尋日去尖沙咀攞，差唔多唔駛等便攪掂。不過，尋日天氣好差：又落雨、又出太陽，又濕又焗，冇咩嘢事都唔想出街！

出銀行門時，當然有人問我賣唔賣啦？

我：「睇吓咩嘢價囉！」

收購者：「單張呀？未知號碼六百。」咁睇左如果係444，會唔會唔要架？

我：「唔賣。」

行前幾步，另一收購者：「賣唔賣？」

我：「幾錢？」

答：「六百。」

我：「唔賣。」

兩張紙幣成本價$760，兩張賣$1200，即淨賺$440----一來「死死聲」唔好意頭、二來果三個月嘅利息呢、三來我嘅時間咁唔值錢嘅咩？果條「毛」都值一億，我得四舊？七百幾蚊買兩件玩具，我玩得起啫！

如果我一早諗住用嚟炒作嘅，梗係第一時間就去攞啦，點會等到依家！平生最怕排隊----要等位嘅酒樓唔上，要等睇嘅醫生唔睇.....

再者，我覺得我兩張紙幣號碼都幾靚吖：602018，602019

慶幸冇抽倒三十五連張啫，嘩！成幅壁畫咁大，搵掟安置佢都成問題。