人性

我地幾位曲友，每月有一次「唱聚」。正因一個月得一次聚會，所以每人都好期待，一早定左唱咩嘢曲，然後各自溫曲，希望到時以最佳姿態唱出每一首歌。呢個係每個人嘅期望，做唔做得倒自當別論；總之各人盡左能力便是！

今天便是今個月的「唱聚」，偏偏其中一位曲友早兩日開始發燒感冒。雖然佢好唔想失約，但係一來感冒唱歌好容易壞聲，二來佢亦唔想將病菌傳染他人，所以最後決定自我隔離，唔出席「唱聚」。

一場「新沙士」疫情，令人看清楚南韓政府及民眾心態。南韓發現有「新沙士」病人，不但冇好好控制，還准許疫情中招者及高危者出國；即使醫護人員在隔離期間，仍然四處走動；香港有韓藉疑似帶菌者，竟然拒絕被隔離，凡此種種，都睇得出韓國政府與韓國人質素幾差！當然，不應一枝竹竿打一船人，但係幾件事走埋一齊，難免令人對韓國反惑！所以我之前經已講左，我會抵制韓遊、韓劇、韓服、韓食....五年。

上個月姪女回港時問：「咁你睇緊啲韓劇點算？」

我：「咁啱我睇緊果啲全部做完喎！不過，即使未做完，唔睇又有何損失？」

曲友選擇自我隔離，韓人抱住我死、你都唔應該獨生嘅態度，令人反感！

響我未決定抵制韓劇前，「無線」收費電視播緊「韓食大對決」；此節目與現時在高清電視台重播的「頂級廚師」一樣，祇不過前者是韓國人/韓國菜比賽，而後者是中國人/中國菜的比賽。

如果有睇過呢兩個節目，好明顯睇倒中國人與韓國人人性嘅分別。撇開韓國人長相如何(雖然唔應該以貌取人，但係九成參賽者嘅樣子真係幾難睇)，淨係睇佢地參賽者之間果種你死我活的對白，與中國人參賽者在體育精神上，根本冇得比！中國人輸了會恭喜勝出的一方，勝了亦會安慰輸的一方！雖然我睇嘅係粵語配音版，但係加上表情、便知道實際情況。

一場「政改」風雲，人性表現立刻體現！

尋日銀行經理約左我傾計。佢知我退休前份工係與政治有關嘅，所以劈頭第一句便問我：「咁係咪即係我地冇得投票選特首呀？」

我：「係！維持原狀吖馬。」

經理：「咁咪即係仲衰左。」

我：「咁又唔算！祇不過冇行前到啫。反正我唔介意有冇份選特首！佢地鍾意玉石俱焚吖馬，佢地想要嘅嘢滿足唔倒，咪攬住市民大眾一齊死囉！」呢啲咪又係另一種人性表現囉。

事後，建制派/泛民各自茅頭指向內----少有呀！通常都係指向對方架馬。

其實要搵罪魁禍首有何難？邊個要等埋「發叔」吖(問題係佢果票根本唔重要)、邊個負責發號施令吖(建制派分唔同黨派：我假設民建聯係班長，其他黨應該每黨有個行長；要發號施令，咪由班長示意行長，行長再負責通知各成員囉！呢啲嘢連小學生都應該識啦！不过，佢地又何解要聽(等發叔)呢枝笛？邊個有大隊唔跟吖(三十幾人行出會議廳，咁大嘅舉動冇理由睇唔倒！不過，大少慣左響重要關頭、一次又一次咁出賣人架啦)。

做錯事唔緊要，有邊個人唔會做錯事呢(雖然今次錯得好難睇，好低B)？但係知錯能認、知錯能改、將來唔再犯同樣錯誤先至重要，而唔係依家咁一個二個委過於人！

唉！人性本善、抑或本惡呢？