生仔前vs生仔後
2015/06/27 16:11:53 網誌分類: 健康
聽講接受過器官移植既人有機會性格改變, 或者會變得比較似捐贈者。聽落同我冇關係丫, 但生完仔仔就輸左3包血喎(入手術室3-4個鐘, 唔係個個生仔都會咁架, 我好幸運?!)... 咁鐘意飲既苦咖啡已唔鐘意飲, 要加糖加奶; 以前唔食辣依家食到少少~係仔仔令體質改變定係因為果3包血呢? 又或者生完之後, 身體應該係會唔同左?
之前我唔易暈車浪, 今日搭返以前成日搭既277x大概搭晒全程, 好暈, 想嘔...
會唔會捐血俾我既人係比較易暈車浪呢?
之後, 我同燒餅講, 如果我地嗌交多左, 會唔會因為捐血既人都成日同另一半嗌交呢? (用黎緩和返個氣氛, ok好用架)
以上我認為可能係迷信, 大家得啖笑。不過, 仔仔成日咁夜先肯 目訓 覺, 我要陪仔仔, 仔仔先肯 目訓, 又可能因為以前早睡早起, 依家遲睡遲起, 先體質差左會頭暈。而且今朝起身早左去返工, 當然會虛。
不過,277x, byebye, 我唔會再搭你架啦 (嚮九龍住之後好少搭巴士, 都可能因此比較唔慣巴士凳下凳下啦)。港鐵加價, 某程度上因為我今次既暈車浪事件, 冇得反對... 因為港鐵又真係唔會暈, 只係凍死~~ 喂喂, 冷氣唔好咁凍可唔可以減價先? 我冷氣病發作喎... 呵!
回應 (0)
我要發表