寄功課,郵局信唔過

各位要寄功課既學生留意, 我份公開大學功課29/5寄出,18/6個講師先收到。

deadline係5/6, 講師既立場係: 個學生遲左交功課。

我既立場: 冤枉。(認命, 行衰運, 冇人幫到我)--> email申冤左先。

郵局仲衰到18/6先蓋個日期落去, 我死梗。

所以話, 郵局信唔過。講師收唔收到, 都係靠電話、email, 因為我遲遲都未收返張「講師收到功課卡」, 應該一早警剔自己要搵個講師問下。

經一事, 長一智。最後一科啦! 讀埋又多張沙紙。(當然我知有呢張沙紙都冇用, 但係以前有個僱主想我報, 咪唯有報囉...讀左一半冇理由唔讀埋佢, 依家只剩呢科)

唔好問我讀咩, 我又係果句: 我有外地學位, 有pgde, 冇本地學位--> 解釋完畢。