希臘危局
今日將有兩大因素左右大市,一個係阿爺出減息和定向降準兩招救市,另一個係希臘可能債務違約。
先講希臘,上周五,歐元區財長會議唔接受希臘所提的展延方案,仲發出聲明譴責「希臘片面破壞債務協商的對話基礎」。希臘債務談判又陷入危機。不過歐洲股市未為所動,整體靠穩,德國及法國股市仲有輕微進賬,反映投資者仲未係咁悲觀。
但要留意的是,希臘總理、希臘長毛齊普拉斯唔再和債權人開會返國,馬上招開內閣緊急會議,並促使國會在上周六凌晨以179票支持票通過一項決議,將於7月5日就是否接受國際債權人的還款提案舉辦全國公投,政府話明不建議人民接受國際債權人的建議。
雙方的爭拗焦點在於恢復財政平衡的方法,希臘的方案側重於加稅;債權人反建議要求加大削減財政開支;當中,希臘原本提出到2025年把退休年齡逐步提高至67歲的期限;債權人則要求在2022年達標。
雙方講不掂數,希臘拖欠國基會的貸款將於周二到期,希臘違約危機升溫,民眾擔憂政府現金流量不足,各個提款機前大排長龍。齊普拉斯在召開緊急會議後,宣布股市周一休市一天、銀行也將暫關閉,並會採取資本管制措施。齊普拉斯在演說中呼籲希臘民眾冷靜,又指希臘政府會確保他們的存款安全無虞。
市場分析齊普拉斯叫公投有兩個可能,第一係預咗脫歐,唔想自己孭重政治責任,就交波俾人民,大家一起來承擔脫鈎的後果。第二個可能係「晒冷」,希望藉公投反對債權人方案的結果,博一舖增強希臘的談判的最後籌碼,話自己係民選政府不能做違反民意的事情。
希臘債務危機呢隻「冤鬼」又回魂,雖然唔會好猛,但唔多唔少會拖歐美股市後腿,今早杜指期貨跌245點,跌幅約1.2%,日股就跌2.3%。
另外睇睇大陸。內地股市之所以大跌,上證綜指由6月8日最高的5178點,跌到上周五嘅4193點,唔見咗985點,跌幅超過19%!認真慘烈。我之前提過,中國經濟一日唔得,阿爺都只夠放水,唔敢收水,所以牛市未會玩完,不過,阿爺見到股市炒得咁癲,怕佢太快爆煲,閂閂水喉,控制一下場外孖展,想佢跌番幾百點,但佢一跌大過籠,唯有又出手放水頂住個市。
阿爺今次唔單止降準,仲同時減息,雙管齊下。央行上周六宣布,由28日起一年期存貸款基準利率下調0.25個百分點;另外,定向降準,對貸款俾農民和中小企的合資格嘅城市商業銀行、非縣域農村商業銀行降低存款準備金率0.5個百分點,財務公司存款準備金率降3個百分點。市場估計,會有超過七成的商業銀行符合要求,今次降準將釋放4700億流動性。本來定向降準並無限制降準功效細啲,但加埋減息兩招齊出,力度都相當大。阿爺怕場外融資殺得太厲害,又怕希臘局面令外圍不穩,唔想爆災,唯有落重藥。
民生證券研究院執行院長管清友表示,從降準降息時點的選擇來看,中央已經在有意識地進行危機應對,以避免場外融資大規模強制平倉引發系統性的金融風險,幫助市場信心的恢復。佢認為牛市方向沒有變,不過,去杠桿引發的市場恐慌情緒已經形成,令到降準降息的刺激作用有限,牛市的節奏會放緩。
內地券商亦認為,利好政策有助情緒修復,未來更趨理性,估計瘋牛難見。中期睇好互聯網+、智能制造,國企改革概念股、軍工股等。銀行的利差有望穩定,利好銀行股。
若然內地真係瘋牛變慢牛,長玩長有,又未嘗不是一件好事。
陸羽仁
2015-06-29
Dow Jones Industrial Average (^DJI)
17,596.35 350.33(1.95%) 4:38PM EDT
立花保安: 誰 ?
小戶 : 我想去頂樓看看
立花保安: 別裝了...亏多少?
小戶 : 5舊
立花保安: ―樓大廳跟沽空大人 排隊去....頂樓昨天已擠滿人...
大王沽得一千又一千...
大王標準係5舊 .....
做定熱身先.....
單日跌千點唔怕??? 咁今日跌多千點又如何???
陸羽仁覆網友
薑餅人:買股唔係唔得,預佢好chok,再跌1000點都唔驚至好。你幾隻中匯控較弱,可以等金蝶或中航科工再插深啲時換。佢地插7、8%,匯控或中移動只插2、3%,換都可以。時間上等大跌時換,分配看目標那一隻跌得深,跌得深那些入多些。而家好難講定,跌得深者是有人被逼斬倉,估唔到。
啊力:因為希臘只佔歐盟GDP 2%,所以其實歐盟大國不太在意她離開,但其他國家就不是那麼容易脫歐了。
Yuki: 京西國際股價0.45元,比半個月前惠理入股價0.5元還要低,你買佢平過惠理,不過跌市週圍都有好多平貨,花多眼亂喎。
牆頭草:有預料出事,所以內地5000點樓上高位減咗啲貨,我都算好忍得手一路等,但內地跌幅仍比預計大。
樂觀因為內地仲有意願和空間去放水和支持股市,若通脹高就無得救。
CMing1987:睇10年133好過135。因為133係基金,較分散。但2828這種指數基金更佳,更安全。睇長線2828和405現價可入(要注意市道好番405都不會郁,佢要睇好長線,利息升時佢仲會稍息,但睇5、10年就無所謂啦)。
勝不驕:暢捷通現價可以,當然不能排除大市插佢再插啦。
依家控股:經紀張一般情況好穩陣,無乜嘢。高手朋友昨日一早買末日認沽期權,你話佢威唔威呀?
Kym:你話「賺了十蚊,嘔返九蚊出黎,股票世界真得意」,你高位無減少少貨?
阿爺救得一個得一個...
SIGH...
陸SIR
不還錢就脫歐,那還有歐盟嗎???
考完膽汁考實力 ........ 非常好
陸Sir:
跌果1000點又點會嚇得死各位網友呢?自您開blog以來都唔係未試過!有幸能見證呢個時刻多一次!驚咪行開一陣,好快又變番3位數!貴時都唔驚,平咗咁多又有咩好驚呢?Shopping都係有discount好啲!如果跌1000都唔買,跌多1000都係唔敢買!
其實希臘責務危機都係一早預料咗嘅事,何以今次各地反應如此激烈呢?
另外想問問您對一隻基金股2339有咩睇法?之前惠理都入咗,依家價位回到同惠理入時差唔多,定係買其他平股好過?謝謝指教!
阿爺救得一個得一個...
SIGH...
陸sir,早晨 我都覺今次你比較樂觀,我自己都仲信阿爺會托市/經濟,加上下半年的深股通,直覺有多一轉炒。 膽汁有,但財力弱啲,原本有25%cash, 近兩日入左金蝶中航2828,而家仲有一成錢。 有一成的5 號仔,之前$75入,諗住短炒一轉,$80都上唔到,但跌又跌無1成,所以無止蝕。亦有1成的941@106,而家諗住趁雷雨夜濕平換馬,有何建議? 希臘單野似乎未完,早兩日又撈左啲貴貨。
想問剩餘的1成錢及換馬,時間上可以點樣操作,同點樣分配?屬意金蝶,中航,604,2828,3188,2828。如果信阿爺,加上回調到月4千,而家係咪買A股ETF好過H指數?
股海浮沉多年,1日跌2千點都見過,最多咪又坐7年,陸sir直接畀意見,唔駛就住,到時點決定,與人無尤!
考完膽汁考實力
2015年06月30日
6月港股真係幾絕吓,臨近半年結,全球股市大插,先係內地A股爆災,跟住到希臘佬可能賴債,搞到亞洲股市全面滑落,美股期指都軟晒。放假期間阿爺打出減息降準的組合拳,內地股市開市一度企穩有升,但希臘佬搞一搞局,宣佈資金管制,A股最後都頂唔順外圍壓力又插過,恒指最多大插1046點,最後跌幅稍為縮窄收市。
風高浪急下,逆市買嘢考完膽汁,都開始考驗吓大家荷包嘅實力啦。我一向唔贊成人借錢買股,呢啲時勢,借孖展買完貨佢再插,你真係有得震無得瞓。
中央雖然連出兩招救市,但淡友都有兩大殺着對抗,唱衰A股泡沫就爆在前,借希臘危機整低個市在後。中環茶友話,上個星期摩根士丹利向客戶發出建議,調低A股目標區間,由上證綜指原先睇2015年底睇4000至4800點,調低2016年中在3250至4000點間浮沉。
大摩睇淡理由好簡單,包括新股大舉上市增加供應、經濟差削弱盈利增長、估值偏高同埋孖展問題,結果上星期摩笛一奏,內地股市就連跌兩日,茶友笑話,你話佢勁又好、幸運又好,總之呢次就俾佢攞晒彩。
大摩唱淡內地股市食到正,點講都有好運喺裏頭,因為內地個市喺央媽護牛之下,昨日開市本來定番一定,但港股受到希債惡化帶頭插落去,止唔到血,變成今次內地股市被港股拖番落去,無辦法借住中央出招反彈。
港股曾跌過千點
六絕魔咒惡過雞,上證綜指收跌3.3%,收報4053點,但係日中曾插低至3875點,最低插過7.6%,之後有傳內地正考慮暫停新股上市,內地證監會稱融資融券業務風險總體可控,所以後段都彈番一半,夾硬收番起4000點樓上,唔知阿爺有無暗中發功。
港股失守一百天線(26183點)後跌勢轉急,午後更大跌1046點,低見25617點。內地股市後段跌幅顯著收窄,最終恒生指數收造25966點,跌696點;國企指數收報12694點,跌393點,成交由上周五的1513億元,增加至1861億元。
藍籌股近乎全軍覆沒,騰訊(700) 與工行(1398) 為跌市火車頭,兩股質低恒指224點。騰訊跌6.8元,造153.1元;工行除淨下滑0.176元,造6.1元。聯想控股(3396) 首掛,收造42.95元,比上市價微跌0.03元;旗下聯想集團(992) 挫5.7%,為表現最曳藍籌。
港股急插因希債危機和A股下滑兩大死因,希債問題相信喺7月5日公投前,市場會打定輸數,逐步反映佢脫鈎嘅風險。
傳內地停新股上市
至於內地情況,阿爺似乎全方位撐市,首先澄清話場內和場外融資(孖展)並無天量平倉,中國證券金融公司指出,目前證券公司融資融券業務風險總體可控,融券強制平倉的規模很小,壓力測試表明,在目前市場情況下,融資融券業務整體維持擔保比例仍然遠高於預警線,滬深兩市25至26日兩個交易日因維持擔保比例低於130%而強制平倉金額不到600萬元,風險仍然可控。
證金公司又提到場外活動作出評論,話滬深兩市近兩個交易日場外孖展強制平倉金額不超過40億元,今天上午強制平倉規模約22億元,合計佔交易量的比例很小。我睇完證金公司呢個講法,同外界吹水話有過萬億場外融資要強制平倉,好似差距好大。
喺呢啲波動市,無實力無持貨能力的人好難買股,因為市況太chok,要預咗希臘脫鈎的尾浪風險,膽子小或財力弱者,都係睇吓就算啦。
陸羽仁
啊力,或者美國又有銀行/保險公司,簽咗太多CDS,所以奧巴馬咁緊張。
即係好似上次AIG瀨嘢嗰鑊… 莫非又係AIG?
小貓兄,袋鼠所講嘅有規有矩,咪就係講,你有權投票,都唔可以違反合約及法律囉。不過無謂講講下講左去政改,盞趕客。
唔知仲有無人記得,金人都有份佈呢個局。
至於話IMF係服務政治利益,絕對同意。所以亞投行成立都有佢要服務對象。
今晚大把時間,講幾句IMF由來。當年戰後要組織新世界協調,多個國際組織就係當時成立。IMF主要由英國同美國草議,英國係經濟學巨人凱恩斯,美國就由harry dexter white 代表 - 經濟學者,財金官員… 兼蘇聯間碟。凱恩斯想建制一個完全獨立機構,以類似而家SDR作貨幣儲備 (凱老叫Bancor),可調節固定兌換率,與及有一系列規矩去處理國際貨幣交收;但美國作為新世界盟主,梗係想要多點話事權,總之最後就變成以黃金兌美元,再以美元作為儲備嘅國際交易系統,布列頓森林系統,奠定美元霸權。
袋鼠估,當年凱恩斯或者都知自己時日無多(~1946),加上都知道相比美國,英國只有得幾多籌碼,有缺憾都講掂一個可行方案,趕快復興戰後世界為首要。往後日子,無論係這些不完美機構,定係後來好多學者誤解嘅學說,甚至政客濫用其名,攪到而家印銀紙,或政府亂使錢,都套左落去叫keynesian。雖然 keynesian is NOT John Keynes,但點到係好寃枉,亦無助推動經濟理論及政策。
https://hk.news.yahoo.com/美法總統通電話同意合力重啟希臘債務談判-153600850.html
袋鼠兄:
RE:小貓,其實希臘呢一個公投,本質上其實係國民是否同意脫離歐盟,民主投票都有規有矩,唔可以阻礎既有合約法律程序,亦唔可以代表德國人民意願;IMF發出違約通告 (雖然希臘會有某方式欠德國錢,但而家條17億數係找俾IMF),點投票都唔可以改變違約事實。
如果德國同法國好緊張,可能係佢哋啲銀行賭大咗希債兼企錯邊。
樂觀一點,俄羅斯、阿根廷都違過約,震完一輪都無乜事。睇吓有無衍生工具玩大咗而影響銀行體系。
-------------------------------
理論上民主投票係有規有矩......
但有規有矩又點會唔還錢?又點會拖到今日先話希臘違約呀?
IMF呢D組織,只係服從政治利益,
政治考慮一切都只係服從國家利益,
國家利益服從人民意願。
所以只要人民唔想守法,任何規矩都無法切實執行,
呢點,香港佔領期間大家都親身感受過啦~民主大晒嘛
新浪财经讯 6月29日消息 沪指今日大跌3.34%,创业板跌近8%,证监会[微博]晚间发布答记者问紧急安抚市场:近期快速下跌是过快上涨的调整,回调过快不利于股市平稳健康发展,股市平稳健康发展关系到经济社会发展全局;近期,有一些否定改革成效,唱空中国经济,动摇市场信心的不负责传言和言论,扰乱市场秩序,投资者要不轻信、不盲从。
陸sir,
與你風雨同路近十年, 都見過幾次啦.
不過今次好似係你最樂觀的一次, 也是最沒預料的一次, 對嗎 ??
陸羽仁 2015/06/29 19:08:06 網友在此的回應
跌過1000點大家未嚇死吧?
選一個福利主義的民主鬥士做領袖就係咁, 派哂錢出街被債主追就叫選民 : 你揹啦 ! Fair Enough.
第日香港都會係咁.
p.s. 美國的A股ETF沒跟跌 ??
小貓,其實希臘呢一個公投,本質上其實係國民是否同意脫離歐盟,民主投票都有規有矩,唔可以阻礎既有合約法律程序,亦唔可以代表德國人民意願;IMF發出違約通告 (雖然希臘會有某方式欠德國錢,但而家條17億數係找俾IMF),點投票都唔可以改變違約事實。
如果德國同法國好緊張,可能係佢哋啲銀行賭大咗希債兼企錯邊。
樂觀一點,俄羅斯、阿根廷都違過約,震完一輪都無乜事。睇吓有無衍生工具玩大咗而影響銀行體系。
陸Sir你好,小弟打算參照陸Sir文章"扑暈自己",目標投資十年,每年平均回報10%,
打算買:
405(50%)
2828(25%)
135(25%)
整件金牛勝衣都好!
恆指由高位跌到今日低位共跌咗 --> 28588 - 25618 = 2970 點,if 反彈
(1)跌幅 0.382 --> 2970 x 0.382 = 1135 點
(2)跌幅 0.5 --> 2970 x 0.5 = 1485 點
(3)跌幅 0.618 --> 2970 x 0.618 = 1836 點,
所以三個目標價:
(1) 25618 + 1135 = 26753 點
(2) 25618 + 1485 = 27103 點
(3) 25618 + 1836 = 27454 點
係呢段上升期間,若果成交金額上唔返千五至二千億,咁就好可能今年高位已見,剩餘時間就喺高位磨上磨落派貨 ....
袋鼠兄:
但歐盟仍民主聯合體,加上美國等等民主大國,唔可以唔BUY全民公投波,
德國乃民主國家,也不能否定"民主"二字。
更可況,若7月1日德國就通告希臘違約,希臘公投結果更會傾向接受城下之條約,
因為若不接受,錢已經鎖晒銀行,攞唔返,股票放唔到,脫歐之後强制兌換本國貨幣,然後大幅貶值....
選一個大隻講的民主領袖去爭取唔還錢係一件事,
依家領袖FIGHT唔贏,交返比人民自己決定要唔要破產,就係另一回事啦~
其實 希臘 脫歐 , 借完錢`不洗還 ...........
借5舊, 脫歐, 之後
陸sir, 1588 值得現價吸納嗎?
謝陸sir ~
除非IMF個女魔貶眼,否則佢七月一日半夜準時發違約通告 (理論上可以暫緩發出,但唔好忘記希臘第一筆本來要在6月5日已經推遲咗一條數),根本個公投就已經投俾一個過咗限時而唔存在嘅方案。
就算6月30日晚殺出個白/黑武士,否則希臘政府去到咁盡,好難有得傾落去。推個責任落選民,無乜意思。
有買A股的師兄姐~推介一隻601111 中國國航
但風險都唔細架~新手勿理
大戶終結者,
我好明白你 或 大眾, 好想知道將來是怎樣!
我想在此再介紹一O下!
立花老師所關注的是 交易技巧!
如果我無理解錯! 佢是用日線圖, 去了解過去, 明白現在, 展望將來!
佢對 將來, 交比 技巧 去決定!
即是, 要清楚明白過去和現在. 然後用 技巧 去風險管理 不確定 的未來!
未來 是不確定, 所以立花老師是注重 過去和現在. 即圖表!
而將來是看不到的! 即不需要知道!
你明不明這個 概念?
已知的資料:
現在已在阻力區, 下降運動完美, 下一個比較好的阻力是24500
以上資料, 就是現在和過去.
但睇回 8年週線圖, 大市仍然在上升軌上. 即大家叫的 牛市!
算不算有恩惠
好彩沽左期指,叫做無輸得咁多...
前主席,
咁樣係咪個市未見底?
陸羽仁 2015/06/29 19:08:06 網友在此的回應
跌過1000點大家未嚇死吧?
陸蛇, 大家仍然興高采烈! 不斷入貨!
//陸SIR話下雨天購物//
如果大跌就是 下雨天購物,
無人返工喇!
TODAY IS SHOPPING DAY
賺了十蚊,嘔返九蚊出黎,股票世界真得意
陸sir及各位好:
今天買入388,2628,2822,1800,1766
陸SIR話下雨天購物
阿爺救得一個得一個...
SIGH...
救到2018...
SIGH...
根本係內地啲金融官員眼高手低,自以為是,人放水,暗地裡叫啲炒友唔好咁狼死,慢慢嚟,啲大鱷都唔係初哥,明白點先可以長玩長有嘅道理。 相反,佢放水,強國啲高官荒死人唔知,開口叫啲基金大鱷入市炒,啲友仔話之你,你開口叫到,梗係無後顧之休啦,放大幾廿倍槓桿玩啦,有事咪叫阿爺包底囉,啲散戶就有樣學樣,照樣借孖展炒,咁樣點會唔爆褒吖。 根本啲官都傻嘅,以為自己可以指點一切,有本事控制股市升跌,升多升少由佢話事,都未瞓醒。 睇吓阿爺揀咗件自大、自我,目空一切嘅 689 就知佢哋幾昂居無知喇。
希臘公投情況,
小貓覺得可能唔駛咁悲觀,關鍵就係現在希臘實行資本管制,
銀行關閉,股市停市,在這一個星期內,
希臘人民要開始現實地想想手上一票對未來生活代表的意義。
如果到時不通過緊縮方案,將會導致所有人都立竿見影地受到經濟上的摧毀,
家人生活水平受到直接的影響。
這會大大增加公投通過方案的可能性。
試想想假設香港佔領期間,因為佔領影響如果銀行被逼關門,
(現實不可能,只是假設)
如此一星期後作全港公投,
佔領還有壓倒性的市民支持嗎?
所以希臘人民這個星期的思考模式是可以想像的:
"不願失去少量的權利和自由,將會導致失去更多的權利和自由。"
所以希臘公投結果未必太悲觀。
睇左老師新既文章,其實希臘脫歐對外界有咩影響呢?
根據之前金融海瀟經驗,主要係借左錢比希臘政府,銀行,大公司既外國銀行會賴野,然後就唔借比其他人,信貸緊縮,跟住冇事既都變有事……
但係今次爆既係希臘,除左歐央行,仲有邊個咁傻仔借錢比希臘?照計應該唔會再火燒連環船
希臘地理位置其實幾特殊,美國應該會同德國講數,不過美國d國際戰略成日出錯,靠美國佬救都係唔好抱太大期望
溫馨提示:
各種數據顯示,今天上證低位3875.05,應已成為本次調整終點,
但未來修復的速度很可能是緩慢的過程,而不會像過去那樣急速反彈,
將會維持2個月的震盪(牛二?),
本周及上周入貨的各位應有長期持貨的準備。
陸sir,我地未死得,不過好似上左飛機然後遇到十級氣流chok足全程咁者,依家面青同嘔緊囉,相信專業既飛機師係唔會驚,可惜我地大部份人都唔係專業飛機師
經經張同高手朋友點?有冇買期權?
沽左D蝕本貨,再將有錢執既弱股賣出補番,淨番強股同現金等位再入去搏殺。
阿爺救得一個得一個...
SIGH...
Bro.依家控股...
Totally agreed...
中國人...
執輸行頭,慘過敗家...
SIGH...
跌過1000點大家未嚇死吧?
子龍兄:
小貓明白您好願意無償付出,關心契妹,照顧佢,安慰佢,但唔要佢任何回報,
因為小貓以前都係呢種人,所以想以過來人的經歷同您分享一下。
等您真正搵到對象,
您會發覺好多第一次,同"傻事"都無法與您的愛人分享了,
其實係會後悔的。
(同埋,千奇唔好話比您未來的現任知,您以前做過的這些"偉跡",即使對佢做到更多美好回憶,都唔好,因為真正愛您的人,會好想擁有您所有的第一次)
阿爺救得一個得一個...
SIGH...
過去20年,大陸股市只有三種市況,一係狂升,一係狂跌,一係熊皮,係熊皮唔係牛皮,因為大陸股市好興八年爆一次,爆完散晒就係低位磨返八年
人放水阿爺又放水,美國放水股市慢慢升,升足六年,慢慢升到經濟好似真係有d起色,大陸成日笑日本迷失20年,日本放水都谷得起股市,都升左年幾兩年,旅遊出口都有起色
點解同一樣野係中國做就注定失敗?有時都覺得其實唔係共產黨既問題,而係成個民族既問題,做乜都一窩蜂,人地美股六年升三倍,你六個月就升左一倍,乜都死啦
After today... i have some new insight on market...
I expect HSI range in 2015...
Between 15,000 and 38,000...
SIGH...