1歲、5歲, 一樣
2015/06/29 22:34:12 網誌分類: 姪女是個2010年bb
仔仔同姪女有好多相似既地方。
仔仔15個月加幾日大, 姪女就啱啱5歲。
仔仔同姪女個樣似, 好多人話仔仔係佢細佬, 姪女都鐘意叫表弟做「弟弟」。
呢幾日, 我嚮我媽屋企, 姪女就日日嚮我媽屋企。
姪女發燒, 佢仲聲沙添, 目訓 左 陣。
之後佢沙聲大叫又哭, 又叫 女麻 女麻。
我姪女係我媽既貼身膏藥囉...
我媽去左買餸咁啦, 我俾姪女同我媽講電話, 不過佢唔講, 繼續叫, 繼續碌, 好似我仔仔咁。
俾水佢, 唔飲。
問佢要唔要水, 繼續唔理人。
我媽返到黎, 我同我媽講, 如果仔仔咁既情況, 要抱架啦。
我媽入到去房, 問姪女要唔要抱, 佢話要。
我媽話想買3107橙俾佢食 (橙都有型號, 我前兩個月先知). 不過見唔到, 買左3108橙, 仲話原來有3108, 等姪女笑出黎。
我媽抱左姪女出廳, 繼續講3108橙, 姪女冇哭, 笑返。
原來5歲同1歲都有好多相似既地方。
原來5歲仲係好細個架咋...
回應 (0)
我要發表