「無線」的整容天地

「無線」依家播緊套「風雲天地」，計我話，應該叫做「整容天地」至啱！

劉君個樣，唔講都唔知佢就係十幾年前那位鄰家的小孩！真的是仔大十八變---變到眼耳口鼻都唔同晒，講嘢都好似要就住嚟講：驚個口會裂開？眼神又怪怪咁，好得人驚---總之似係奸角啦！

嘩！幾個年輕女角亦不惶多讓。唉！卿即使本非佳人、豈馬都仲似番個人樣吖；何解攪到自己唔知似咩嘢？

一位濃裝艷抹---驟眼睇有啲似「白姐姐」，再睇真啲(唔係駱駝)，又有啲似「夏惠姨」！

另一位好明顯，無論眼、鼻與下巴皆與之前不同----但唔係靚左，而係雙目無神，面形怪怪：上寬下窄！

仲有一位，好多角度睇都似醜版「溫碧霞」----東施效顰！

總覺得依家啲「靚妹」無嘢好做，搵嘢嚟做！好端端一個人做咩嘢要整來整去呢？仲要越整越難睇，越整越難分出甲、乙、丙、丁；觀眾都分唔出誰是誰？反正個個都係V殺面、挺拔鼻、厚唇......

整鼻、整唇經已好普通，所以好幾個藝員打botox攪到咀唇好似條孖潤腸咁，咀撓撓成個八婆咁款，好睇咩？

木偶鼻？可以還原嘅，真係多多錢都駛！難睇至極。

如果係修眼肚、加牙貼呢類小型修飾我覺得無可厚非；不過，依家個個藝員都加牙貼，反而「阿姐」冇！難道阿姐唔捨得駛呢啲錢咩？我相信佢崇尚天然，而且身體髮膚，受之父母，冇咩嘢必要咁做啫！睇吓啦，人地咩嘢都唔整都紅左幾十年！

田蕊妮唔靚，低係人地有演技，睇落令人舒服！「風雲天地」睇到人好唔舒服，即使阿姐點撐都死！