椰菜煮蝦皮
2015/07/02 18:09:29 網誌分類: 食譜
煮椰菜,最簡單咪係椰菜煮椰菜囉!豐富少少嘅咪加蝦米囉,再唔係咪加肉絲煮、再唔係加一小罐茄汁沙甸魚煮亦得!
依家食椰菜最便宜。「百佳」$3.6一個,「惠康」$6.?一個。我響「百佳」買,除左便宜,貪佢夠細個;不過,我一次都係用唔晒,用大半個左右。咁淨番點算?剩番少少,可以加粉絲、蝦米煮,咁咪大碟左囉!
蝦米一點不便宜(可能仲貴過買豬肉),而且煮完都頗硬,唔食又有點嘥!所以我今次用左蝦皮。蝦皮響南貨店買,一包$5, 我可以用幾次架啦。蝦皮可以連殼一齊食,所以鈣質好豐富;我相信小朋友都會鍾意食。
材料:(呢碟餸唔駛五蚊)
椰菜去莖切幼絲
薑片
蝦皮小半碗略沖水
上湯/水
燒油爆薑片,下蝦皮略爆炒,下椰菜,少許糖吊味,適量上湯/水炒勻煮滾,蓋上,煮約五分鐘至稔。
啲蝦仔係咪好得意呀?
註.
我用了上湯,所以不用加其他調味;如用清水,可加鹽/魚露調味。但蝦皮本身有少許咸味。
蕃茄煮椰菜好味。
蝦干仲貴啦!
我都係多數用蝦干煮椰菜,好味。