「 非」為悅己者容

成日聽到「女為悅己者容」

呢句多數解作 女仔為自己既另一半妝扮

但係現實裏

當愛情變成夫妻情感...

以前都會讚你靚, 著衫好睇,

依家只會話你花太多時間黎扮靚~

而且,

你花左幾多時間, 佢用眼係睇唔到架,

你花既心思, 佢冇動機去留意,

佢只會想完成一d技術上既任務, 例如: 買玻璃膠整天花板。

昨日用左幾個鐘整頭,

又襯左d靚衫, 自己覺得個style已可以上報紙,

同淘寶model差唔多,

嚮呢區算係著得極好睇。

點知, 一見到燒餅,

佢唔話我著咩衫, 亦冇留意我件外套反轉左黎著 =口="

(佢心裏面仲以為係件外套個款似反轉黎著)

幾個鐘後, 差唔多返到屋企, 佢先問我件外套係咪反轉左...

件外套一睇就知係反轉啦, 我出街時有少少趕所以拎左就著, 冇留意佢反轉左 =.=

d線頭好覺眼, 好瘀。

不過燒餅唔在意我靚唔靚, 唔代表我以後唔使靚

因為都就快三十啦, 依家唔靚, 第日就靚唔到架啦

襯我仲著到短裙扮到少女 嘻嘻~