漫不經心
2015/07/06 19:05:07 網誌分類: 教育
到底k2既小朋友係咪有漫不經心既特質呢?
當一個櫃桶由好亂變得好整齊, 我問姪女覺唔覺執整齊左, 佢話唔覺...
水筆放左嚮一個透明膠袋入面, 佢嚮櫃桶倒左出黎, 只係話唔小心倒左, 冇動機放返落透明袋。
跟住我話: 「放返落去, 整齊d, 易搵d喎。」
佢唔係咁想放。
跟住我就話: 「姑姐執左好耐, 你唔放返好, 姑姐會唔開心架喎...」
跟住佢就話好。不過都係我放返d水筆落去。
(組織力呢樣野, 可以由整齊既環境同肯執野既大人潛而默化訓練出黎)
相反地, 佢個同學仔好似細心d。
佢同學仔有野想丟落垃圾桶, 會問垃圾桶嚮邊, 同埋佢想自己丟垃圾。
係屋企文化問題?
定係... 佢同學仔黎到呢個屋企, 基於禮貌, 會禮貌少少?
而事實上, 我對佢同學仔都幾有禮貌。只係,... 我唔係真係想佢出現 XD
話說姪女有兩個男同學仔, 兩個男同學仔都好鐘意佢。
第一個, 幾活潑, 見佢嚮樓下玩, 同佢媽玩, 幾好。陽光男孩。
第二個, 肥仔...話自己食得晒一碗飯... 有少少同我姪女爭執, 不過睇得出佢鐘意同姪女玩。
只係先入為主...
其實漫不經心唔只我姪女, 個肥仔既媽媽都有少少漫不經心。
佢媽媽冇我媽電話, 冇話個仔幾時返返去, 我媽又冇問佢想個仔幾點返返去佢鋪頭...
於是,6點一到, 我就話快d帶返佢去佢媽媽鋪頭, 唔係搵仔都搵唔到。
甩難 (其實... 我唔慣姪女同個男仔一齊, 嚮屋度~雖然只係捉棋同填色), 唔使睇住2個小朋友 (我媽洗衫)。
回應 (0)
我要發表