石榴葉

2015/07/18 09:42:43 網誌分類: 健康
18 Jul

尋日講開偏方,今日繼續,重點係講石榴葉。

番石榴的果實和葉能降低血糖,果實有收歛,止瀉,止血等作用,對糖尿病者頗為有益.現在坊間有台灣出產的番石榴葉茶包,及番石榴乾賣,兩者都方便泡茶用,對防治糖尿病很有幫助.

根據中醫講:飲用蘋果石榴汁,宜選用石榴葉和生石榴,才具有舒緩高血壓之效,一般用來食用的石榴本身已產生了糖化作用,功效不大。

石榴葉中有效成分為黃酮苷,該物質對胰島素水準無明顯改善。因此,推測它不是通過改善胰島功能,是通過提高機體周圍組織對葡萄糖的利用率來調節血糖的。因此,糖尿病患者長期用石榴葉煎水代茶飲是有益的

早兩日機緣巧合,獲贈新鮮石榴葉:

事緣:我上課地點樓下便是一間出口店。我間中早上上課前都會行吓,亦曾光顧多次。我下課通常會跟幾位同學飲茶,但今次下課幾位同學均有事,得番我與另一位同學食晏,所以點半鐘經已食完;同學下午要上課,匆匆走人。我見時間尚早,於是入去出口店睇吓。

當我試褲的時候,一位我未見過的女士A表示幫我褶短褲腳(此店包試、包改)。我試左一條啱著,於是試多幾條(如果啱著,我通常會一次過買多條)。當然有一些要改短;在等候改褲期間,A女士問我需唔需要飲杯水,我答:「唔駛客氣啦!」

隨後有位女士B從店內房間走出來與A聊天。

B指住A:「嘩!真係睇住你瘦左好多。」我一聽佢咁講,成個人都醒神左,問:「點解會瘦?」

A答:「我天天焗甘草、山渣、布渣葉水飲。好好架,大便暢通,個人亦好精神。我斟杯俾你試吓吖!」咁就梗係卻之不恭啦。

我:「但係山渣唔係人人啱飲喎!」

A:「唔落山渣,可以用甘草、菊花、杞子、布渣葉焗茶飲。」

她的朋友B:「佢啲布渣葉係我行山摘俾佢架,唔係響藥材鋪買架!」

我:「吓!咁會唔會摘錯左架?你知啦!好多藥材係差唔多樣架。」

B:「我自小行山,對藥材有認識架。」傾傾吓,我講開自己血糖稍為偏高,所以每半年便需驗血驗查。

B:「咁你用石榴葉焗茶飲吖!我細佬糖尿,飲左都好番。」

我:「石榴茶市面都有得賣,不過我未試過。」

B:「唔駛買啦!我拎左啲出嚟俾事頭婆(我那時方知A係事頭婆,可能佢下午至返,所以我未見過),包冇污染架。你拎啲用吖。你飲完問事頭婆攞得架啦,我成日拎俾佢嘅。」佢教我每日用四片焗一大壺茶全日飲用。不過,我因為未飲過,我選擇用一片葉焗一杯茶飲,待腸胃適應後,才增加份量。

尋日焗嚟飲,真係好有石榴味!至於有冇效,遲啲話你知。

------------------------------------------------------

又講番「甘草、山渣、布渣葉」焗茶啦!

布渣葉功能主治:清熱消滯,利濕退黄,化痰。隻要用於感冒,中暑,食欲不振,消化不良,濕熱食滯之脘腹痛,食少泄瀉,濕熱黄疸。

用法用量:15~30g;亦可配作
涼茶用。

山渣山楂有重要的藥用價值,自古以來,就成為健脾開胃、消食化滯、活血化痰的良藥

山楂按照中醫的說法,「消食化積,行氣散瘀。」,消食健胃、活血化淤、收斂止痢之功能。對肉積痰飲、痞滿吞酸、瀉痢腸風、腰痛疝氣、產後兒枕痛、惡露不盡、小兒乳食停滯等,均有療效。山楂還富含胡蘿蔔素、鈣、齊墩果酸、鳥素酸、山楂素等三萜類烯酸和黃酮類等有益成分(黃酮類多聚黃烷、三聚黃烷、鞣質等多種化學成分),能舒張血管、加強和調節心肌,增大心室和心運動振幅及冠狀動脈血流量,降低血清膽固醇和降低血壓.

此外,山楂對心臟活動功能障礙、血管性神經官能症、顫動性心律失常等症也有輔助治療作用;山植還含有槲皮苷,它有擴張血管、促進氣管纖毛運動、排痰平喘之功能,故山楂是防治心血管病的理想保健食品和有較好療效的食品,近來應用于高血壓、高血脂、冠心病等的防治,均有較好效果。每天取50克 山楂+100克 毛冬青,分兩次水煎服,可有效地降低血清膽固醇;用山楂花和葉製成的浸劑服用,降血壓的效果較好。

傷風感冒、消化不良、食欲不振者;食用山楂及其製品,很有效果。

睇完都知,呢味茶對降血壓、降三高有利,不過要小心服用!

長期食用山楂對以下人士有其壞處:

1. 孕婦不宜多吃山楂的,因為山楂有收缩子宫平滑肌的作用,有可能引致流產。

2. 山楂可促進胃酸的分泌,因此不宜空腹食用。
3. 山楂中的酸性物質對牙齒具有一定的腐蚀性,食用後要注意及時漱口、刷牙,正處在牙齒更替期的兒童應注意。

好奇怪,上述兩種飲品主要作用係抗三高、降血壓,但係好多人飲後都發覺減倒肥。不過,都係果句啦:每人體質唔同,要小心飲用。偶一為之,問題不大,如果天天飲用,便要觀察吓自己是否適應、又或者先徵詢中醫意見。

今次都算獲益良多咯---石榴葉唔值錢,但係我買左五條褲,事頭婆計我八折(呢類店鋪買嘢從來冇價講架);而且,所謂包改通常祇係改長短,但係其中一條褲褲腳有拉鏈,一般唔會同你改;但改衫位阿姐見我同事頭婆咁啱咀形,竟然肯替我拆左條拉鏈改短,亦冇額外收錢!

 

 

回應 (3)
我要發表
2015/07/19 09:15:23 回覆

正因為市面買倒嘅唔知真正成份---會唔會係用熟左嘅石檔?有冇其他雜質?所以我即管試吓用新鮮嘅,睇吓點啫。我祇是「擇界」,而且飲完、又好難「老俸」咁長期去問人家囉!不過,如果真係要搵嘅、應該唔難嘅!似終果句啦:每人體質唔同,好難一概而論。

2015/07/19 01:55:23 回覆

我都試過買市面上嘅蕃石榴茶.

2015/07/18 16:44:10 回覆

我朋友試過無效。

user