《初雪の戀》浪漫教科書

老婆與她的閨中密友番大陸做facial & spa，我就跟「糖果」去看《初雪之戀》，兩個遲到大王「鬥遲」，居然還可以去港灣茶餐廳食完個lunch先睇戲。

老實說，我向來不太喜歡這類電影，只為去看宮崎葵。無可否認，我們都成熟了，這種puppy love式的青春浪漫愛情電影，或許已非我們那杯茶，一邊看，一邊心裏想：「超，愛情唔係咁架。」

它有齊所有愛情電影的浪漫元素，就像打開一本教科書，羅列了所有浪漫的成分，編劇根單執藥似的把所有浪漫元素放在一起，就是這一齣《初雪之戀》了。

靚人（宮崎葵咋，唔計李準基呀），靚景（真係好靚），輕鬆溫馨式的搞笑，打破文化隔膜的情侶，開心的日子，兩人的約定，命運的搬弄，逼不得已的分離，無法遷守約定，數年後的偶遇，你找我我找你，在路邊奔跑的男主角，終於達成的約定……

好公式化，好大路，但，又真係幾浪漫既。十零廿歲的年輕人，會看得好開心好感動。事實上，完場時四處都是女孩尖聲叫「好正呀」「好掂呀」「好得呀」之類的讚歎，就連出到場外遇到熟人，也問我「有冇喊呀？」，但我和糖果都只能一笑置之。