英超何解多人睇
2015/08/10 08:41:10 網誌分類: 生活
英超一直是香港球迷的至愛。有人會說，睇波要睇好波，好波要講究實力，那麼英超的實力又如何呢？歐洲足協根據不同國家球會的對賽往績，每年更新及編訂一個歐洲足考指數（UEFAco-efficient），以及歐洲聯賽排名榜，標示各國聯賽的實力和水平。二○一五至一六年最新排名如下：排第一的是西甲，得八十四點三分；第二是德甲，六十五點七分；第三才是英超，六十四點二分；第四是意甲，六十點四分；第五是葡超，四十四點二分；第六是法甲，四十三點八分。其實，英超上季排名第二，今季跌了一位，排名只有第三，而不過幾年前，它還試過排名第一，所以，英超的實力其實是在走下坡。
但球迷不一定百分百講理性，很多時都有情意結。畢竟香港曾經是英國殖民地，大家年幼時電視最先有得睇的，便是英國波，由小睇到大，點都有感情。
再者，西、德、英意四大聯賽中，球會實力最平均的首推英超，有實力爭標的球隊起碼有四隊，如車路士、曼城、阿仙奴、曼聯，再加上老牌球會如利物浦、熱刺、愛華頓等，雖無實力爭標，卻有一定實力作攔路虎，令比賽更可觀，不似得德甲般，拜仁一隊獨大，又或如西甲般，皇馬和巴塞兩強壟斷。
況且，英超不但大部份比賽都在周六舉行，且為了爭取亞洲市場，開波時間都作出遷就，以上周六為例，早場、正場、尾場的開波時間分別為晚上七點四十五分、十點、十二點半，完全配合香港球迷的生活習慣，收視自然高。
蔡子強
回應 (0)
我要發表