無定向
2015/08/14 08:41:09 網誌分類: 生活
有冇睇《玩轉腦朋友》? 記得坐到最後,片末講不同嘅人大腦諗乜。其中講貓的夠晒貼切,養貓的我等人類終於知道何解貓不時會神經質,原來佢哋大腦內的幾個情緒朋友仔都係Hea住運作,瞓覺舔腳多過工作。偶然有貓亂踩大腦控制台誤觸某些關鍵,就觸發各種無厘頭的儍行為。 例如阿Mo,牠經常無端團團轉追咬自己的尾巴,好似有鬼追一樣,轉到自己頭暈,不痛的嗎?有時米米、骰仔會突然說話,可是附近沒有貓呀?哥哥呢,牠有由原地彈高的本領,可能年輕力壯,牠由靜止到彈高不用半秒,也不需要任何助跑姿勢,我常喃喃,你們不是撞邪吧?好地地躺着突然像燒壞腦一樣。 細心留意,貓也有夢工場。牠們睡覺時,小手小腳不時震動,就可能是在夢中興奮地跑,跟其他兄弟捉迷藏,或者在吃好味大餐。 貓腦細細,卻點子多多。人腦就是運作得太用力了,有時應學下貓,Hea一下。 關慧玲 |
係呀係呀,每週都很期待星期五這個專欄,如果可以多點主子們的照片就更好了
8012
多謝你捧場丫,佢地日日快高長大,食好多野添
關小姐:
好在有您的貓私語,自頭條網上版轉左版面真的唔想睇, 為獨是逢星期五一定要看您的專欄, 睇吓貓地有何趣事發生。
見到哥哥越來越靚仔,那對會說話的杏眼, 即時開心晒
哥哥好靚仔,好可愛呀,還擁有一對會說話的眼睛 ,,米米有對手了!
個碗瀉晒啦