這個校長真鹹濕

蘇校長被判十項非禮罪全部成立，還要有三項普通襲擊罪，真係抵死到震。不過咁，為人師表鹹鹹濕濕，也不是新聞咯～

我以前唸的中學，有個音樂老師，為人樣衰都不特止，上課時總是偏心女同學，後來，他在輕鐵對一個阿嬸鹹豬手，被警察拉左，仲要被判非禮罪名成立，學校當然第一時間踢佢出校啦！

當時，一班平時受到該老師偏心愛護的女同學，聯署寫信去《Yes!》，話「我地唔信李Sir係咁既人，我地相信李Sir係被冤枉架！」之類啦，結果呢，《Yes!》將呢單料既標題放在封面，標題大意係「鹹濕老師非禮阿嬸」，哈哈！

除了這位音樂老師，還有一位數學老師，又係衰衰格格。成日對住d女同學淫笑。有次測驗，佢位「愛將」唔識，測驗期間居然問阿sir，而阿sir又笑淫淫咁畀提示喎，哇，你不如幫佢考埋啦！

又有一位歷史老師，肥佬，鬍鬚滿臉但疏落，非常麻甩。有次有個好抵死的econ阿sir爆畀我地知，果位歷史老師原來成日在家裏看鹹帶打飛機！

可不要以為我的中學是爛仔學校，先至會有咁多鹹濕阿sir。先旨聲明，我唸的可是band 1的。

到了大學，都唔見得有幾好。我的學系有位professor，又係呢類人啦。有次辯論比賽請佢做評判，佢就眼甘甘咁望住人地條格仔裙，據聞仲有少少口水流出黎呢！於是，我的學系有首打油詩流傳了數年，說不定現在還在師弟師妹間流傳著：「格仔裙，睇到暈，睇到余X笑淫淫～」