痴瘋自白

亂搞無罪反有理

三山五嶽同朋比

秋後算賬太猖狂

紫城價值不如屁

豈有此理、縣太爺居然明目張膽的搞秋後算賬、把我哋一群「和尚打傘」嘅同志逐一押上公堂判罪。咁搞法分明係踐踏人權和打壓學術自由、簡直係無法無天。眾所周知、我哋一班「和尚打傘」同志嘅天職就係替你哋去保衛金紫荊免受紅潮薰染吖嘛！要革命就梗係有犧牲、做唔到生意咪關鋪去遊埠囉！再唔啱、就摺埋間鋪開枱打麻雀吖嘛！點不知你哋班街坊好人當賊扮、唔單止唔感激我哋搏命替你哋爭取話事權、反而唱衰我哋、都可謂好心冇好報咯。坦白講、我哋霸住條街七十九日、無非要話畀全世界知、你哋係被「棺箱勾結」累到交唔起租、買唔起樓、攞唔到公屋、我哋至替你地去瞓街啫！咁仲唔夠偉大咩？我哋之所以衝擊人民公社、就係因為你哋選咗一群不顧民生只管發財嘅自私鬼出來做代表。記住下次選我哋、飛起佢哋喇！

自從我哋送咗頂黑人帽子給巡捕房之後、你哋街坊不獨止唔肯出來附和、反而罵到我哋亂扣帽子。其實我哋並唔係無的放矢架、事實上我哋嘅同志裡面有不少公門中人在內、其中仲有好多仲係黑人。咁你話嘞、邊個敢保證巡捕房裡面個個都係白過白雪宮主嘅呢？據榕樹頭講估佬神棍陳講、在七十年代有個姓黃嘅教頭曾經公開踢爆大教館嘅教頭裡面有黑人、衙門各部門嘅高低層都有黑人、巡捕房亦唔例外、嗰單嘢仲氣到遠居於嬰鄰嘅事頭婆紮紮跳架！既然四維都有黑人、點解獨係巡捕房唔可以有？唔該你哋以後咪再屈我哋生安白造好唔好？

你知我都知、到當今最社會矛盾只要是來自無殼蝸牛、以及看不到前境嘅年輕一代。假如這些問題都被解決、即係連大毒瘤都醫得好。到時仲有邊個會跑上街頭喊冤？既然係咁、我哋就非盡全力去保留這兩個大毒瘤不可、否則真補丸就永遠無法上架喇！因此我哋反對縣府收地起樓、反對搞大形基建、反對搞高科技發展、反對填海造地。為咗要達成我哋嘅理想、我哋唔要公屋、唔要居屋、唔要基建、唔要新科技、唔要向上流、只要抗掙、只要拉佈、只要鬧事、只要閉翳。總之但凡縣府做的我們都反對、直到話事權到手為止。