寶島無國賊

非龍亦非寇

惡毒冇人有

存心當國賊

果然爛得透

寶島嘅過氣大佬燈龜經常開口及著脷、話釣島屬於扶桑都唔在講、現在更加變本加厲、在抗戰勝利七十周年慶典在即便投書扶桑、直指在七十年前寶島與扶桑屬同一國、所謂抗戰完全係子虛烏有嘅事、係有人刻意利用這種莫須有嘅罪名去抹黑扶桑的。此事曝光之後便在寶島牽起翻天巨浪、並鬧得滿城風雨。

 早在廿五年前在下就聽聞一位寶島朋友提起過、燈龜（又名癌里正男）是在一個受到扶桑天皇封賜為貴族嘅皇民（假鬼子）家庭長大。不過當扶桑敗走蔣家當權嘅時候、燈龜便立即回復原來姓氏、並轉軚去摱蔣少帥車邊。結果成功撈咗個副官來做、最後還倚仗蔣家餘蔭成功當選首屆寶島公選大佬。到咗行將就木之年嘅老燈龜仍然念念不忘昔日當假鬼子嘅風光、終於將自己係效忠扶桑嘅皇民身分大公開。在寶島坊間早有傳聞指稱、燈龜在廿二歲之前係寄居於他的契老爹李甘聾家中。燈龜嘅親生老子其實係扶桑軍人小原笠次郎、其生母就係被小原強姦而懷孕嘅江錦氏。因此盛傳燈龜身上所流嘅係倭寇之血。

 姑勿論傳聞屬真屬假、但燈龜親口講嘅話卻假不了。他說七十年前寶島跟扶桑根本上是一國、而他與哥哥（癌里武則）都是為效忠扶桑而戰。由於癌里武則在呂宋戰死、所以被奉祀在靖國鬼舍裡面。但問題係、既然寶島並無發生過抗戰、何來戰爭傷亡紀錄？寶島歷史文獻所記載嘅抵抗戰、難道是捏造出來的嗎？燈龜口中所謂嘅寶島與扶桑屬同一國、基本上是沒錯的。因為當時嘅寶島是扶桑鬼子用支槍指着滿清皇帝個頭而奪取得的一個殖民地。因此現任寶島大佬麻鷹九罵燈龜出賣寶島、其實係冤枉咗佢。人家唔係早就已經講明自己係鬼子嚟嘅咩？既然係咁、燈龜唔出賣寶島、唔通要出賣扶桑咩？講到尾、一日都係蔣氏家族將隻老虎當貓樣之過。不過唔知你又有冇想過、點解老燈龜和塵死扁兩仔爺都當過寶島大佬、但依然不能使之變天呢？答案就係當中有山姆大叔在那裡阻頭阻勢吖嘛！不過假如下一屆由菜英子來做一姐、再加上山姆大叔已再無能力撳得住阿爺崛起之勢嘅話、那麼遊戲嘅玩法亦可能會轉變都未定嘅。大家不妨拭目以待啦！