取消限外令
環球股市反彈浪延續。歐洲股市昨日接捧，繼續大幅走高。歐股整體跳升3.5%，其中德國及法回股市勁漲3.2%及3.7%。外圍股市造好，特別是中國經濟與股市表現出穩定跡象，加上美國經濟資料靚仔，投資者信心回穩，美國股市恐懼指標VIX指持續下降，昨日再跌14%至26的水準，美股連續第二日強勁反彈。
杜指昨日大漲369，收報16655點；標準普爾500指數升47點，收報1988點；納指漲115點至4813點，三大指數漲幅超過2.3%。比較重要的是，美股連升兩日，已走出調整（correction）區域，大市暫時喘定。
要留意杜指昨日下午2點後大插300幾點，到3點見底位又大彈380點，股市人心未定，大上大落，要等波幅減少，才可以確認呢一輪下跌暫時結束。
美國第二季度國內生產總值(GDP)修正值為增長3.7%，明顯高於初值的2.3%，亦好過市場預期的增長3.3%。其中最叫人意外的是商業投資年化季率修正值為增長3.2%，前值為萎縮0.6%。個人消費支出年化季率修正值為3.1%，前值為2.9%。另外，美國勞工部報告稱，上周首次申請失業救濟人數減少6000人，降至27.1萬，表明美國勞動力市場狀況仍在持續好轉。
美股昨日升勢強勁，另一個拉力還是油價大升10%拉起能源股，杜瓊斯能源指數昨日大升4.9%，遠跑贏大市，原因主要是有報導指委內瑞拉要求OPEC就油價問題召開緊急會議。市場憧憬OPEC可能會有後續行動支持疲弱的油價，國際油價昨大彈超過10%，創下2009年以來最大單日漲幅，紐約油價昨日反彈上每桶42美元水準。我覺得之前石油空倉太多，股市一定下來，有少少新聞，就觸發石油空倉回補，基本因素並未改善。
另外值得注意的是個人消費支出(PCE)價格指數年率增長2.2%，不包括食品和能源在內，核心PCE年率增長1.8%。聯儲局以通脹率達到2%作為其中一個開始加息的指標，個人消費支出價格指數趨升，將為美國加息帶來壓力。不過際此風頭火勢，人心不定的時候，估計聯儲局對於決定幾時開始加息，會比較審慎。
內地經濟持續唔得，出口唔掂，唯有谷谷內需，而樓市是其中一個主要內需。近日股市下跌已影響樓市氣氛，再加上市場近日對人仔貶值預期升溫，資金外逃壓力加大，阿爺都要出手頂一頂。昨日宣佈取消限咗10年的外地人買樓規定，同時放寛外商投資房地產企業。新規定話境外機構在境內設立的分支、代表機構和在境內工作、學習的境外個人可以購買符合實際需要的自用、自住商品房。希望呢招能夠提振樓市及挽留外資留國買樓，收到一石二鳥功效。
10年前內地樓價飆升，除了內地人炒樓，外國人，包括港人入市炒埋一份，亦係原因，之後阿爺限制內地人買自住房之外，亦限令外國人要住在內地工作交稅一年以上，才可以買樓，愈限愈嚴。隨著樓價逐步回落，阿爺去年已在一線城市以外，逐步解除內地人的限購令，所以，今次宣佈對外國人在內地買樓的解禁，市場已經係意料之內。不過，今次在這個時候提出，估計係除了要提振樓市，托托內房股以外，亦希望一定程度上有防範資本外逃的考慮。因為通過這個政策，能夠釋放中國歡迎外資投資中國的信號。
市場估計，由於目前一線城市還處於限購政策的情況下，政策對大城市杭州、南京、成都、重慶、天津、大連、青島、珠海、瀋陽等重點城市的樓市，較有鼓舞作用，但刺激有限。不過估計內房股會借勢炒一炒。
陸羽仁
I support Bebe889's opionons because we are Chinese! They are not Chinese, they all only be a "華人" or "洋奴".
陸羽仁覆網友
Yuki:航空股公布業績前景展望唔靚仔，內地航空股受惠油價下跌，要睇再跌空間有多少，受損於人民幣貶值和經濟差令需求弱。一加一減，前景麻麻地，唔知你短炒定長揸，長線投資者有少少避開航空股。若睇油價跌，可能會買無咁受人仔貶值影響的運輸股。所以長線投資者宜等航空股深跌才好行動。
大笨袋鼠:危機過後，買美債避險的需求下降，加上中國沽美債，債價會否下挫，而令債息向上?
buddaau、 控股兄、子彈兄
香港既醫生.....有部份的確係專心做研究既，不過好多都係麻麻地。我同學做醫療器材代理既，有新既器材介紹，當然搵HA啦。佢o地買o左，德國佬o黎香港教班高層醫生點用。教完啦，醫生們問番最基本既o野，完全唔識，激到德國佬話差唔多以後都唔會o黎香港。
而家大把香港人都唔用腦諗o野，剩係信傳媒。講抗日，埋沒o左既東江縱隊既歷史，講留出o黎，就俾人話洗腦。果D人連香港保衛戰既情況都唔識
陸Sir：
上星期仲有一條問題overlook咗，重貼如下，請指教，謝謝！
如航空股因期油大彈而回調，在甚麼價位有吸納價值？
Buying more peanuts & beer...
SIGH...
金融High Tea——反彈有機 前路有危
港股經歷上周一、二大跌市之後，中央祭出重招：同時減息及降低銀行存款準備金率，終於扭轉了環球股市的跌勢，不單止頂住中國股市，還救起了亞洲貨幣，令到大宗商品價格急速反彈觸發了環球股市反彈回升。跌得急，彈得多，是很正常的現象。
上周五期指結算，港股跌226點，收報收報21612點，較上周二低位20865點，港股反彈747點，比對內地股市及美股，反彈力較弱。港股除了受到期指結算因素影響，估計在市場如此混亂情況出現之後，海外投資者的興趣暫時不在港股之上，而集中於更加超跌反彈的市場。
閱兵快到 利好股市
短期而言，香港及內地股市，應該會維持一個反彈市。主要原因有三。第一︰人民幣匯價強了一些，上周五在岸人民幣兌美元顯著上揚，收盤價6.3885，較上日的收盤價升168點子，升幅0.26%，成交量達到513億美元，創了歷史第二高，人民幣在超跌反彈的情緒底下，有利內地股市回穩。第二︰個利好因素是9月3日中國舉行抗日戰爭勝利70周年大閱兵，在大慶典之前，股市都會升少少，沖喜一下，不能排除上周五內地股市大升4.8%，是聲言不再「唯指數論」去托市的國家隊，在閱兵前出手搞氣氛。第三︰是港元匯價比較強，上周五港元匯價收7.7516，貼近7.75的強方保證水平，顯示有較多資金流入香港，可能這些資金是看淡人民幣，從內地調到香港，是暫時泊在香港的錢，然而，較多的資金聚港，還是會對股市有利。
全球大跌市之後，投資者驚魂甫定。老友聚首吹水，難免講到港股、美股以及內地股市往後的走勢。港股這一浪大幅跌穿7月8日造出的低位22836點，深跌超過2000點，主要是人民幣意外地貶值，還搞出一個市場機制，中間價要跟隨上日的在岸收市價。人民幣開始貶值，先觸發了新興市場貨價匯價暴跌浪潮，再輻射到歐美股市，大家齊齊跳水，導致港股破位向下。短期而言，港股仍在下降軌道內運行，這次深跌之後，睇圖表，反彈約一個月，上方反彈頂位為23500至23800點左近，可能便會回頭，距現價還有相當水位。固然，圖表不能盡信，近期便連番殺出黑天鵝事件，如果期間又出現幾隻黑天鵝，是否能夠彈到上述位置，難以預計。不過，「跌得深、彈得多」是基本原理，港股應該還有一定的反彈空間。
加息期到 美股破位
美股近期的短期走勢，比港股靚仔。連彈三日，反彈幅度已超過跌幅的一半反彈力度和幅度比港股多。把時間拉長一點，看五年圖，便會發現美股認真唔靚仔，美股杜指五年期的上升軌下方，大約在17300點水平，美股這一輪的急跌，低位見過15370點，大幅插穿上升軌道2000點，是相當明顯破位向下的走勢。美股經歷七年牛市，由2008年金融海嘯以後，聯儲局大幅放水開始，到現在先停止了QE（量化寬鬆），今年以來正步向加息周期，令到杜指在18300點附近的高位行人止步，形成一個很清晰的橫行圓頂，跟著破位向下。
美股下跌，是受著可能加息及中國經濟增長急速放緩影響，究竟這次向下是假突破，還是真正轉角市，由牛轉熊，關鍵還是受制於上述的兩大因素。
先講加息，現時估計聯儲局將不會在9月開始調高利率，但今年稍晚時候，特別是12月，還很可能是開始加息的日子。屆時美國開始踏入加息周期當中。理論上加息不一定引來熊市，若然美國經濟發展健康，溫和加息仍然利好，問題是單睇美國企業盈利就知，過去幾年美國企業盈利上升，大多是節省開支所致，而非生意上升，節約開支不能永續，企業盈利也可能步向走下坡的循環，這時加息就雪上加霜了。
至於中國的經濟，暫時不看好，短期內也不見到會急速扭轉的可能。由於制約美股的兩大因素，未來還會發酵，美股牛市很可能已於2015年緩慢地結束。
港股主要睇美股及內地股市表現，看港股五年期圖表，同樣出現明顯破位跡象，恒指跌穿了23500點水平，其實已插穿了上升軌，還要深度下跌，插穿的幅度不少，顯示跌市時低撈的力量薄弱，機構投資者各有不看好本地上市的香港公司和內地公司的角度。因此，大家不能對港股太過樂觀。如果從圖表角度看，港股跟隨美股與內地股市，由牛轉熊的話，大家首要的是去除在牛市中要積極追貨的心態，要小心調整投資組合，趁比較大的反彈市出現時，將最差的股票沽走。「減持弱股，增持現金」，是熊市時的基本做法。反正錢是賺不盡的，即使看錯，大市大幅回升，至多也只是賺少了而已，不是輸錢。
中式放水 終極出手
對於這個熊市的估計，唯一可能出現的變數，就是中國式QE（量寬）。中國近年一直批評日本以鄰為壑，大量量寬，將日圓大幅貶值，令到中國出口競爭力急促削弱。過去一年日圓貶值了18%，人民幣經過最近的貶值，只貶值了3%，兩者匯價跌幅仍有很大的差距。究竟中國經濟現狀為何？若按官方版本，中國經濟並未如外界想像般差勁，未來毋須再大幅放水救經濟，中國及香港股市，很可會順著美股的潮流，反覆向下。
換個角度，如果中國經濟其實很差，中國就要急促出招救市，不外乎幾大方向，第一貨幣政策，大量減息降準甚至讓人民幣再貶值。第二是財政政策，政府加大開支救市，此方法最大問題是加深赤字，也難保不會出現2008年四萬億救市帶來的重複建設產能過剩的問題。第三是快速推行改革，可以加快市場化，或施行稅制改革，大幅減稅將錢直接派到交稅的企業手上。但這些政策在政府內部爭議極大，不易推行。
正路最快最無爭議的手法就是放水了，現時中國除了減息降準，放水的工具很多，甚至多到被人笑經濟一唔掂就講英文了，那些工具有︰ 逆回購（RR）、短期流動性調節（SLO）、常備借貸便利（SLF）、中期借貸便利（MLF）等等，當然降準與減息是全面性放水工具。以減息為例，每次減0.25厘，中國要再減息七次，才減至存款零息。只要中國不需要力挺人民幣匯價，不太怕資金外流，大幅將利息推低，大幅降低銀行存款準備金率，放水入市場，還有相當大空間。
中國放水被質疑傳導性差，短期利率降了，長息無大降，今年一季度平均貸款利息還要6.8厘，而且主要是大國企借到錢，中小企、民企借錢難，變成最需要借錢的人借不到，不太需要借的就花不完。這樣放水下去，長期就出現一個所謂「流動性陷阱」，會出現日本式衰退，在一個無效的經濟體，零息都救不起經濟。放水的同時如何實行改革，令錢去到有效的投資，是極重要的問題。
況且，中短期而言，若出現中國式QE，即使中國通脹能夠承受得了，人民弊匯價勢將再度下插，到時，將激起新興市場的新一輪動盪，也可能令美股回落。
中國這種做法，還是會激化市場風險。不過，當風浪過後，內地股市還可能是「有得炒」。這就像歐洲及日本股市，在本國央行大力放水之下，股市大幅向上，在這種少少例外的情況下，中國可能出現一個令人跌眼鏡式升市。不過，在這次的人民幣貶值的示範，大家已有辦可見，中國式QE過程若出現，恐怕會更加血腥，如人仔累跌10%以上時，市場將會出現很大波動，而港股夾在內地股市及美股中間，有一定風險。
內銀險升 中銀可吼
最後講講內銀走勢。中行（3988）宣佈，截至6月的中期純利907.5億人民幣，按年增長1.1%，每股收益0.31元。純利增長略遜於預期，中行業績一如早前公佈業績的工行（1398）及交行（3328），同樣面對淨息差收窄、資產下降的困境，中行上半年的淨息差由去年同期的2.27%降至2.18%，微跌9個基點，貸款質素出現惡化，貸款減值準備1967.9億元人民幣，較去年底上升4.4%。
睇上面分析，中國經濟唔掂，人行還是會有大幅降息的可能性。我聽一位銀行家講，中國這樣減息，未來很難看好內銀淨息差收入，內銀股價走勢將跑輸大市。上星期工行公佈業績之後，股價上周五跌了4%，收報4.52元。恐怕內銀未來的環境都不會太好，或許可以將內銀換馬到中銀香港（2388）這類型的股票，會較穩妥。中銀香港市盈率11.4倍，息率4.2厘。雖然派息率差過內銀，但盈利增長卻比較好，而且香港已經沒有再減息空間，未來的股價走勢，相對會理想一些。
陸羽仁
『到佢跌四成,但你人工減半,咁唔通佢又平左』
以收入計，的確貴咗
以現金儲蓄*相比負資產，就平咗有凸。
*假設銀行無執笠
「供三十年樓,百份百業權」
真係?
別忘了2047，50年不變約滿，要強行沒收地權，可以名正言順。
香港人對果份要供到65歲既強姦金，尚且不能信任，何況2047?
三百呎帝峰皇殿,租同供差唔多錢喎,唔算貴呀
租三十年樓,乜都無
供三十年樓,百份百業權
貴只不過係比以前貴,唔代表佢價值真係OVER左
到佢跌四成,但你人工減半,咁唔通佢又平左
美國對付對手絕不手軟
德國被美國隊左一獲
經濟大傷十數年
日本被美國隊左一獲
1990年衰退至2011年
中國今天想挑戰美國
只是專權政府, 想保住政權的一些把戲
做樣俾市民睇
上 下大空, 攪下奧運
令國人重拾所謂的尊嚴
中國夢...還是聽羅文的中國夢
四川地震前後, 香港人當時會捐錢
現在捐條毛
中國攪衰自己名
美國是莊, 其他國家是閒
莊閒要懂分
不致出醜連連
不致經濟上壓倒
科技, 軍事, 制度, 教育, 文明
將一個中國人擺在美國, 可能很容易成功
有良好的教育, 機會,機會自然來
但將一個美國人擺在中國, 也許成為貪官
環境對人的影響,何其巨大
不得不知
中國面對的幾個問題
1. 債券市場, 中國近年發展, 發了大量高債
集中在資源股, 內房股
2. 鬼城
3. 內需轉型失敗
4. 保不到8
四樣一齊爆破,就很大件事
但四樣是連繫的, 火燒連環船
中國的幾萬億儲備, 幫助很有限
股市,匯市這筆錢是少數目
能救多少?
中國需要與美國談判
重要的事, 就是在9月訪美時
中國要求美國,不要攪通縮
通縮新興市場身受其害
會引發新興市場各國政府倒台危機
貨幣危機下, 難以連任
08年, 攪救市, 製造大量後遺症
今天仍在, 08年式救市應不會再出現
轉型內需仍未成功
人仔偏高, 出口大幅減少
現在的一帶一路, 表明威風
其實,只是想出口當年至今的產能過剩的資源
有苦自己知
中國百幾美元,買了大量石油
今天被歐美玩弄
仍要笑迎各國
繁榮之基本
以看小公司數目
中小企賺多了錢
中小企選擇多了
即是市民多了選擇
市民轉工機會多了
市民可以試下創業
創業失敗也不會山盡水窮
每行業也有成功,與失敗的人
失敗也不致於潦倒
今天做生意,已難
華人有樣衰,是以為, 要做一些驚天動地的事
要發達要做生意, 人生才驚天動地
今天, 做生意免了
除咗中國拋售國庫債卷，油產國由於油價崩盤，收入減少而要賣外匯儲備填數。
不過袋鼠反而對Lifting Costs一欄有興趣，特別係美國及加拿大成本，與其他產油國家嘅差距。(原因係shale oil 及 tar sands，不是傳統鑽油)
然而，似乎係窿統數字。
子彈兄，
好多人覺得樓市好，香港就自然好，其實邏輯有問題
其實香港樓市壟斷左空間供應，任何生意，不論好定唔好，地產都吸租到盡，地價亦升
所以如果香港經濟好，地產價格同租金亦會相應急升，反映返“吸到盡”既特性
所以地產好其實係結果，經濟好先係原因，係經濟好地產先會好，話只要地產好經濟就會好係倒果為因
咁打倒左地產，經濟係咪會冧呢？應該咁睇，香港地產係壟斷性，而且係一切經濟同生活既必須品，業主收租一定收盡，賣樓一定要賺盡，唯一要減價既可能性係用家/經濟比唔起，所以係唔解除地產壟斷既前提之下，係絕對冇可能係唔打冧經濟只打樓價同租金，所以要打樓價只可以打經濟，經濟再影響樓價，冇得直接打樓價唔打經濟，除非有辦法解決香港土地既壟斷性，例如大力填海，咁又另計
假如真係大力填海，打倒樓價而又唔影響其他行業，咁又會點呢？在下覺得，除左樓市投資者同發展商之外，其實對香港經濟係冇乜壞影響，因為受惠高樓價既人其實唔多，香港地產商唔係請好多人，反而供應多左，量大左，可能仲要請多d人去起同賣樓，仲多人搵到食，亦唔需要搵其他產業去填補
情況好似假如政府突然增發的士牌，車多左，司機多左，的士牌價大幅下降，司機交既車租少左大半，可能司機冇搵少到幾多，但就多d人有工開，又多d乘客有車搭，仲可能平d添，不過香港制度係要保障資產，全個社會大部份人捱去保障小部份人既資產投資，你話香港係咪迫人痴線
baddaau兄,
在下認為，香港而家所謂地產已經不再叫做產業了。產業者，幫助社會提高生產力也。越起越豆腐越取巧既單位，不是產業，是造牢房。
我不敢說300呎的帝峰皇毀值得什麼人覺得自豪，也不敢說200呎加無敵單身露台既觀月樺峰能譽滿天下。
打LUM左佢，搵唔到食，都冇所謂了，反而我唔見得而家打唔LUM佢又會搵到啖好食。
讀書叻唔等如創業叻, 又多其他好既選擇 (中產/專業陷阱)
可能要靠個洗廁叻先得 ...
(如果破解到尾笑鋁陷阱)
中國注定係二流國家，香港的繁榮都係時勢做英雄，有能力走都好快d走
子彈兄，
香港搞唔到實業嫁啦，原因簡單，有左地產呢樣穩賺30%+既行業，比你係投資者有錢要係香港投資，投資乜野實業可以好賺過搞地產？既然冇野好搵過搞地產，咁咪全部人都淨係搞地產囉，而地產又有個特點，好似銀行係百業之母一樣，搞咩生意都要有地方，所以地產一升所有生意成本跟住升，更加唔洗搞實業
所有狀員去晒做醫生，的確可惜，佢地如果去搞其他野，佢地當中會唔會出到馬雲同馬化騰？難講，不過有機會，香港人其實係有潛力，李小龍都係香港人，不過香港制度整定左香港最叻既人如果想最穩陣發遲就係做醫生，唔又可以點？
不過閣下唔鐘意香港係咁又唔代表香港一定會爆，中國已經掘起，經濟總量大，只要有萬份之一既貪官同黑錢要黎香港洗白，已經足以保住香港一定程度既(樓價)繁榮，只要保到樓價，其他野香港人根本就唔理啦
工作關係，在下識到係阿里爸爸做既人，都幾岩傾，同佢吹水，聽佢個business model同vision，先唔好講在下認為佢得定唔得，不過果種眼光，視野同信心，絕對完全超越香港果d所謂管理層，真係差太太太太遠啦，當人地志力打造國際品牌，改變傳統商業模式既時候，我地仲係度計緊幾時供完層樓，買多層黎收租，或者炒的士牌，其實香港人唔係蠢，不過係比英國人奴化左，淨係識聽order做野，叫香港人自己make decision就唔惦(超人另計)，又怕死，結果咪依家咁既樣囉
講返股市先，股神入手煉油股而唔後採油股，有咩傚啓示呢？
子彈兄：有無諗過香港有幾多生靠地產霸權搵食，打冧佢之後香港有無其他產業頂上先，無既話咪好似董伯伯時咁囉。搞新產業喎，頂尖啲班都唔敢搏，成效實大打折扣啦。以運動為例，點解香港單車隊咁好成績，就係因為佢吸引倒班運動頂尖份子去玩，嗰班人玩咩運動都唔差啦。
所以黎緊香港喺醫學上仍然係世界頂級，但依個産業規模唔夠大，改變唔倒香港既經濟大環境。
星期日都咁熱鬧~
前主席兼前沽空之王
公主唔夠車模吸引
新時代既來臨!
子彈兄：我明呀，你同我就無計啦，但係班狀元完全有能力，有條件衝出世界，再返黎改變香港。但佢地唔敢冒險，一個月限限地袋十幾二十萬，地產霸權對佢地影響唔大。中國之所可以推倒幾千年帝制，靠既就係當代海歸既頂尖份子，如果佢地當時但求獨善其身，既可以攸做官，又或洋人買辦，依家我同你可能重留緊邊。
恨鐵不成鋼唔夠架，重要不離不棄先得。
baddaau兄,
我覺得入醫學院問題都冇咁大。
而家香港最大問題係，冇一個香港人尊重自己既產業。當然，呢個係社會壓力引致，地產金融霸權應記一大功。
當你見到醫生做手術時都keep住check股價，請問你能確保專業嗎?
當你寫緊progam都check緊手上隻輪咩價時，請問你真的能專業嗎?
一個健康社會，係各人各司其職而能夠滿足於現狀可以正常生活。
面對500萬基本樓價300呎狗窩，幾百萬租金俾大財團食晒既鋪位，我地敢講香港人可以正常生活?
子彈兄：香港人真係可以收皮啦，你睇下我地既頂尖份子，即係嗰班dse狀元，個個都入醫學院，視野之窄，理想之小，真係無眼睇。能力越大，責任越大，對佢黎講係真係無咩意義。
以佢地既能力，讀咩咩都得啦，哈佛，劍橋既獎學金任佢地囉啦，可恨自己無才無識，搞得掂兩餐都還得神落，否則，好似佢地咁堅，真係天涯海角任飛翔。
To:nivolumab兄
認同閣下講的大多數是事實,
大部份中國權貴及子女有外國國籍,
中國制度離完善尚有相當大的距離,
更不要說執法上無法做到完全公平公正。
也正因為我們的國家是如此不可愛,
所以才需要我們去愛。
如果我們的祖國强大,富庶,令世人羨慕嚮往,
人人安居樂業,無限資源財富任我們享受作樂,子女未來無憂,
能夠像站在岸上睇全世界的人民在水中掙扎,仲可以指指點點邊個游得唔好。
如果我們有這樣的祖國,就算我們不愛,也不乏全球的人類去愛。
但我們的祖國,就是落後,就是貧窮,
同胞素質就是差勁,不文明,不尊重制度法律,
但中國是我們的祖國。
我愛我出生的地方,為自己的國家發聲和爭取公平的評價。
我承認國家有很多不足,但我真心希望會變好。
這不是因為愛國主義,只是單純一個笨小孩對母親的愛,
生死與共的愛和認同,不管別人如何說,我愛自己的國家,希望她能更好。
依家兄,
所以我認為香港人應該要收皮，我好憎大陸係事實，但同樣地，香港社會今日既巧取豪奪已到達一個痴線既狀況，人人搞企業只為做好盤數然後上市笠水，所有人都唔去DUP石仔將自己UPGRADE，結果搞成今日咁。
地產霸權實在應記一大功，香港地你點落手落腳努力都還俾地產佬，難得既係大把香港人明知唔健康都想跳入去玩希望自己成為嬴家，到自己有辦法渣幾個單位時，就同地產佬同一論調，一齊壓榨其他香港人。
你做唔到嬴家? 咪出黎做反對派囉。在下同一個論調同問題，你今日出黎反對，係因為個社會唔公平想日後有公平D既環境? 定係你做唔到既得行益者所以咆哮? 如果大部份香港人係前者，咁個社會都仲有救。
可惜，在下認為，大部份香港人，屬於表面前者，骨子入面後者既人，好多人甚至唔意識到自己其實係後者。
講返D輕鬆的啦~
如果閱兵是很嚴肅的事,不應該容許模特兒入伍,
徵兵可能輕鬆D~啦~
島國日本的徵兵用女星招來是常態啦~
....如果一般女優魅力值不足,也有加强版的AV女優
好吧...民主日本是很體貼的,如果對真人有恐懼的男生,自衛隊也有二次元的萌女選擇~
民主美國的徵兵圖就高水準了(傳說中有以下這些):
相比之下....小貓真心覺得咱們中國是太落後了.....
P.S.
其實日本和美國徵兵廣告大多都很正常,很正氣的。正如中國閱兵絕大多數都是年輕的小夥子,少女只是少數,更不要說是名模了...
阿爺不斷係金融系統度搞大動作, 而且下下都咁勁, 事前又全無先兆, 容乜易出年年頭宣佈人仔自由兌換, 港元美金脫勾?
子彈兄, 香港人自從80年代制造業北移開始, 就一直睇唔起做實業同落手落腳做野既人, 外行領導內行係常態, 投術野交比VENDOR做就得, 仲要BID到個價勁低, 以IT業為例, 識寫程式唔值錢, 10個IT DIRECTOR 9個半都唔識寫程式, 最緊要PRESENT到比老板睇, 用最TOP CONFIG既電腦RUN一次比老闆睇就OK, 最後D客用唔惦就推晒比FRONTLINE搞
呢個文化可能同香港歷史有關, 香港一直做開轉口港, 角色係做轉賣, 左手黍右手去, 所以產品從來唔需要由香港人去DESIGN或者IMPROVE, 產品係定左, 香港人要做既只係問樣SELL比客, 或者點樣營造壟斷環境令客人冇得揀, 從而賺多D, 所以香港文化只有SELL SELL SELL同營造壟斷, 從來唔會諗點樣做好D產品同服務去做大個市場
講做實業, 香港其實連大陸車尾燈都見唔到, 香港公司係得返李超人搞緊實業係做得起, 不過超人都撤出中港啦
在下認為，銀行制度最終會因而家金融市場既貪得無厭而切底崩潰。
其實小弟覺得，冇人搞實業搞公司搞生意，你班金融屎忽鬼屎都冇得食，呢班人而家妹仔大過主人婆，只係因為資本主義惡果作祟。
香港面對一個大問題，係冇人再肯落手落腳做事，人人走空擋，炒賣，痴住有錢佬搵水。我做過幾間實業既公司，冇香港人肯落手落腳做打仔角色。
遲早一鋪清算，到時冇底氣既香港人，會被一次過淘汰。
史哥，新沽空大王？
如果你有做CDROM，都知道袋鼠係淡友。但係反彈多一兩星期都唔出奇。
可能真係講太多無謂嘢，好似無網友提及內地取消銀行存貸比
內銀存貸比10月1日鬆綁 (中國) 2015-08-30 (02:12)
早前袋鼠都留言提過，中國正在大規模減持美國國庫債卷，由八月中貶值開姑至月尾，講緊成一千億美 (根據小道消息 - 唔知堅定流，透過比行時信託戶口，上半年都有相同數額減持)，用來托匯價，但反正資金外流，副作用係變相在銀行體系抽乾水，所以要降準來補水。
出面有分析開始用QT (quantitative tightening) 來形容。
短期應該係有利消息，但係中國經濟放緩 (好多分析已經唔相信個7%GDP增長數字)；在環境尚好時，亦未見銀行對其數簿進行撇賬 (年初已有引述有關一些香港會計師討論)，袋鼠估如果中國經濟繼續無起息，壞賬會開始浮現，此外，就算係好企業都可以被經濟轉壞所拖累，都變成壞賬。
(暫時靠估) 都唔知係會唔會係，遲啲仲有好多信託存款 - 用咗去場外融資，到時會回撥番去銀行盤賬，嗰啲存貸比即刻爆標。
袋鼠依然認為，以長線投資而言，而家最忌入銀行股！雖然呢度講內銀，但全世界都係。曾幾何時，袋鼠係四位公主附馬爺兼大好友。
袋鼠兄好久不見
⋯ 大市點睇？ 你叫貓大人頂多做埋下星期牛魔王好喇⋯ 因為⋯我將會好快做新沽空大王⋯ 大殺四方⋯ 直搗19 樓⋯
傻瓜⋯ 大家都係傻瓜⋯ 只有我才對⋯
上次周師傳同薄希來單野, 方向報D料都幾早同事後証明係準, 今次佢咁寫, 大家真係要睇路
http://orientaldaily.on.cc/cnt/china_world/20150821/00182_001.html
官方大動作造勢 誰是反改革力量內地官媒日前刊登署名「國平」的評論文章，強調要增強改革定力，保持改革韌勁，並指「不適應改革乃至反對改革的力量之頑固兇猛複雜詭異，可能超出人們的想像」，同時提出「要引導大家爭當改革促進派，着力強化敢於擔當、攻堅克難的用人導向」。這篇文章來頭不小，其中所指的反改革力量到底是誰，令人深思。
「國平」是一支由《人民日報》、新華社等官方喉舌的評論員組成的網絡評論隊伍，其評論與中央保持高度一致，取名「國平」就蘊含「國家評論」的意思，每篇評論總是在關鍵時刻表明一種政治態度或者為一場政治運動提前造勢。
目前，第五代推進的改革觸及中國政治、經濟、社會、軍事、外交多個領域的種種深層次問題，涉及中國這一龐大經濟體造血功能重構、運行的根本問題，困難之大、阻力之多，確實超乎想像，尤其是一些既得利益階層的核心利益受到損害，正醞釀瘋狂反撲，這股勢力盤根錯節，上至廟堂下至江湖，都大有人在。
超級風暴 隨時爆發可以見到，第五代與這股反改革勢力已進入攤牌階段。早前《人民日報》刊發《辯證看待「人走茶涼」》的文章，批評退休高官戀權，稱「有的領導幹部不僅在位時安插親信，為日後發揮餘權創造條件；而且退下多年後，對原單位的重大問題還是不願撒手。」黨報這篇文章話中有話，耐人尋味。
眾所周知，中共十六大之後，江澤民雖然卸去了總書記和國家主席的職務，但仍然把持最具權力的軍委主席一職多年，包括郭伯雄、徐才厚等軍中大老虎，眼中只有江主席，絲毫看不起胡主席。據說第五代在查辦周永康、徐才厚、郭伯雄等人時，江澤民曾一度向習近平打電話，但遭到冷遇。事實上，今次黨報發表這篇文章，就有網民認為是第五代為清算「老老虎」做輿論準備。
國防大學教授馬駿表示，「如果十年後再反腐，就是十個習近平也難以挽回。現在習出來，可謂恰逢其時！他是真正的第三代領導核心。」馬駿將習近平捧為繼毛澤東、鄧小平之後的第三代，這個新提法不僅加冕了習近平「核心」之位，更剝奪了江澤民第三代中共領導核心的歷史地位。這到底是馬駿個人的看法還是組織決議，頗引人關注，後者的可能性極大。上海空軍政治學院教學樓外牆上的一段中共前總書記江澤民的題詞，早前被工程人員清除，過去江的題詞相當於聖旨，被清除這件事在以往是難以想像的。諸如此類的現象，折射出中共內部正醞釀着一場超級政治風暴，隨時爆發驚天動地的消息。
袋鼠兄,
我地都係用網名留言者, 攻撃唔到人身, 冇所謂, 希望有日可以黍到袋鼠國同師兄吹水, 不過在下睇呢個目標要捱多最少十年
子彈兄, 在下感到師兄近排真係狀態大勇, 氣牆非常強勁, 下次出入市記得通知聲
子彈兄，cool... thanks
個人認為，中國搞什麼戰略構思，都會有大機會失敗收場。
這是結構性問題，不是單單一個領導人為國家立好心(假設係先)能解決的。
如果而家個國家大佬係好人，咁祝佢好運，要運作既決心同魄力都不容易。
但假如立壞心場，也只是平常之事，國家本來如此。
袋鼠兄,
對待那些人，無視就行。
你覺得你能夠對金正恩祟拜者正在感激流涕時曉以大義嗎?
不講还是忍不住，習總攪一帶一路，那些國家利益会被削弱，用下腦吧！
都是依家兄大方得多，講完。
依家兄，意見唔同唔緊要，但有人對發言者作人身攻擊，就有啲睇唔過眼。
佢雖然無直接指網友，但係自己睇返好幾個留言，整體context啦…
袋鼠都只係話有啲人要出國，無指名導姓，唔好對號入坐呀
bebe889 2015/08/30 12:03:11 網友在此的回應
I will also send my kid to study aboard in future to boarden their insight. What is the hongkonger lacking is 國際視野“
我那裏有話陸sir blog網友沒有國際視野？你看清楚才講吧！
袋鼠今日狀態唔錯 .....
打攪哂陸sir個blog了，和那些双重身份的人說自己國家的事的確不易。
依家兄，袋鼠今日都得閒過頭，職業病發作（改卷及評論文…雖然已經無做好耐）
還有，估唔到你會降火降得好過我
袋鼠無話人無去過外國，不過只係一個人卻認定其他網友無國際視野，其實佢又有無注意自己個國際視野可能要ｕｐ ｄａｔｅ一吓？
人哋外國政要唔嚟睇閱兵，就只係稱之為『jealous about the growth of China in the military and the found of 亞投行.』，國與國角力只係得jealous一字形容，呢啲叫國際視野？？？就算自己唔能夠分析，都唔係唔識抄出面有唔少國際政治嘅大局分析嘛？
袋鼠兄，
算啦，網上世界，見到意見唔同既觀點，睇完諗下對方有冇道理，有就學下野，冇就當睇唔到，咁就最好，係咪？
史哥，好狗無見！
袋鼠講太多無聊嘢… 大市你而家點睇？
你又知我冇去过外國生活？中共领導人出國留學又有什麼問題呢？你們聚焦在閱兵某一
節就很客觀？天津大爆炸你又知中共冇撤查？我想你也是睇外國新聞大。
原本一個批評，認為刻意揾車模做新聞 (早掛先至禁咗武媚娘隆胸版)，有損閱兵儀式尊嚴，使唔使被鬧到咁大件事，說成為針對自己國家？
而家邊一個首先最大反應，講『那些中國人樣持有外國護照or……漢奸』，攪到好似同外國有關係就要扣上漢奸帽子？跟住又要為『留學海外』嘅領導層辯護？
除咗送仔女出國去拓寬國際視野，或有啲人都應該要自己去埋一份。
呢度好幾個網友都一樣交遊廣闊，有留學的、有工幹的，有番咁上下國際視野。
雖然全世界政府都會掩飾醜事，但唔知大陸人講天津港爆炸，有無好似日本仔講福島核泄咁自由？日本仔唔信政府自己開民間網站測幅射，你個响大陸有無人夠膽開同類形民間網站？制度上又有沒有自我完善能力呢？
而且好明顯有人仲未明白，恨鐵不成鋼，正正係因為相信國家本來係有能力，可以攪得更加好，才會有這種慨嘆！將之說成為『踩低自己國家，抬高欧美日』，何來『知已知彼』呀？
貓大人、各位好⋯ ⋯ 很久不見⋯ 原來貓大人e十做咗牛魔王 仲唔係做短期Tim..⋯ 嘩！ 咁⋯ 目標多少呢？