城市論壇：有新景象？
2015/09/08 09:12:05 網誌分類: 影視
「香港電台」電台及電視節目，我經已冇睇好耐，何解？言論偏頗囉！
以前間中都會睇下「城市論壇」，不過越睇越勞氣；果位謝生，根本唔係主持人，專幫泛民砌其他人！於是放棄埋，從此與港台節目劃清界線，佢執唔執笠都與我無關！依家我獨愛收聽「新城電台」。
不經不覺，果位謝生終於走左啦，真係普天同慶。
原來過去嘅星期日換左人，主持的重任交給曾在無綫和港台做記者的蘇敬恆。 不過，我對港台經已死心，所以都冇諗過收看。
結果，原來當日節目進行時出現左一段小插曲：
劉慧卿在論壇上，誤將「中華人民共和國」講成「中華民國」，說出「香港特別行政區就係中華民國一部份」，蘇敬恆出言糾正，反被劉慧卿斥為「傻仔」：「中華人民共和國啦傻仔！我識分嘅。」並反覆強調自己並無講錯。(潑婦罵街式嘅瞓街卿：死不認錯)
論壇結束後，《蘋果日報》引述劉慧卿指蘇敬恆「好盡力去做」，並為稱他為「傻仔」道歉，其後再在facebook發文道歉，指這是她的口頭禪；蘇敬恆則表示對此無太大感受，「冇話道歉唔道歉，無所謂」。(既然冇錯，何需認錯？)
似乎呢位新任主持有啲料到喎(卿姐都敢指正)！我唔需要佢偏幫任何一邊：人便是人，每個人都有自己立場。但係身為主持人，必需要公道、持平，偏幫任何一邊都唔啱！主持城市論壇，梗加要夠硬淨：你知啦！每次節目進行中，兩邊都紮行馬，偶一不慎，節目完左就俾人圍架啦！
不過，呢次會唔會係虛火呢？鄧忍光初到港台任處長果陣都有頭威架，可惜冇尾陣啫！梁家榮接任，到依家都睇唔倒佢有咩嘢表現，還要拭目以待！
至於日後會唔會再睇「城市論壇」？都係睇定啲先啦-----哀莫大於心已死！
哈哈，哈哈，呵哈哈....
突然諗起一個笑話：
某次球賽，球証竟然在龍門前截球，加一腳，踢入左！
然後個球証話，我都係足球愛好者，踢球入龍門，是我的興趣。
哈…咁都得？
我也覺得，新主持比較持平。
且看以後的發展，會不會又偏幫某一邊了。
之前的主持，成日話，主持都係人，有自己的觀點；這樣就不對了，早就應該換！
要知道，主持是主持論壇的公正及順利進行，而不是加入辯論。做甚麼身份，就要做甚麼的事。否則就亂晒大龍！如果這樣都搞不清楚，就算你幾叻，都不應做主持，而應該做辯論者。這樣，才可以服眾！
咪另一個王照君--身在漢家，心在英美囉！
我尋晚上網睇，身為議員又是高級知識份子，潑婦一樣！國家名都講錯？欲知心中事，但聽口中言！
我尋晚上網睇，身為議員又是高級知識份子，潑婦一樣！國家名都講錯？欲知心中事，但聽口中言！