孫兒跌傷了

2015/09/15 09:25:54 網誌分類: 生活

15 Sep

今日寫呢篇字真係好唔開心，因為德德昨日跌傷了，昨天是老朋友的六十歲生日，大家為她慶祝，食中午自助餐，因為小德德喜歡食自助餐，我就帶了他一齊前去，點知道食完之後，一出酒店商場，德德奔跑時就跌到了，還大哭起來，連買玩具車都喊，我見他撫著小手嗌痛，又不肯落地行，心知不秒，即時和朋友們帶他去看醫生，醫生話要照Ｘ時光，原來是手踭有小小烈痕，要落樓下骨科打石膏，德德大哭叫婆婆，我隻手郁唔到，唔好呀，望著小孫兒，我心如刀割，要他受這苦，係我照顧不週，冇好好睇住佢，雖然女壻和女兒還安慰我說孩子不跌不長大，但我寧願跌果個係我呀，希望小孫兒快啲好番，再活潑地四圍走走。

回應 (11)

我要發表

2015/09/18 15:04:12 回覆

步飛訂在10月5號，請對為食豬講一聲唔好意思，就唔到佢。去何處食？你有何提議？

2015/09/16 18:59:51 回覆

好多謝親愛的網友們對小德德的關心和對我開解 ${#iconb_257}$ ${#iconb_257}$ ，但每天去女兒家裏見到小孫兒一臉唔開心和用小手想張石膏拆下來，心裹實在難過，現在只希望孫兒快好起來，重現歡顏。

2015/09/16 11:16:28 回覆

小德德早日康復，在他的石膏上畫車車，讓他覺得得意忘記痛痛啦。

2015/09/15 17:54:07 回覆

唔駛太擔心！小朋友跌倒係常事，好快無事的。

不過好明白你個心點想，一來心痛佢啦，二來佢係人地個仔，好大責任同歉疚心的。想想另一面啦，個個趺到大，趺吓又大個左d了。

祝小德德早日好翻！

2015/09/15 16:41:56 回覆

德德鍾意車車，可以在石膏畫啲車車，或者貼啲車車貼紙，分散佢嘅注意力都可以㗎！

2015/09/15 16:38:39 回覆

命中註定有此一劫，毋需自責！小朋友很快復原。大G都試過撞傷眼眉，幾乎要縫針。

2015/09/15 11:36:16 回覆

小朋友跌倒經常有,佢地好快冇事架啦,唔駛太担心.

2015/09/15 10:52:59 回覆

唔駛太擔心！小朋友跌倒係常事，而且佢地復原能力高，好快冇事架啦！

2015/09/15 10:33:06 回覆

小朋友嘅復原能力好高，好快無事，唔好太擔心！

2015/09/15 10:32:27 回覆

不要太怪責自己，要發生自然會發生，小朋友好快好。

2015/09/15 09:56:23 回覆

祝你小孩早日好翻！

月曆