上海迪士尼
2007/12/04 10:35:14 網誌分類: 時事
「這個冬天……雪上加霜！」
「一個中國 只要一個『掂o既』迪士尼」
「迪士尼～ 俾人踩到埋o黎」
「前年你打Ocean Park 他朝君體也相同」
本來已經唔掂的香港迪士尼，連海洋公園都fight唔低，仲要醜事傳千里，真係唔抵可憐。雪上加霜？一沉百踩？都是香港迪士尼自己拿來衰！計我話，港府不如同海洋公園換股，畀盛智文搞番掂個迪士尼啦！你諗下，畀海威司令騎住米奇老鼠，海獅生擒灰姑娘，盈盈樂樂去蘭桂坊飲大兩杯，再入去城堡過夜，話唔定在浪漫童話世界會易D動情，生番一兩件熊貓BB！
唔好話我「事後孔明」〈「馬後炮」〉，當初〝特區政府〞「拍板」話要興建〝廸士尼樂園〞嗰陣，我早已經唔睇好佢喇，講真以 香港 咁嘅環境、先天條件又唔夠，試間又點可以興建極具規模的〝主題公園〞，凡事總要「量力而為」嘛，一味識得點賺錢，未學行先學走，咁又點可以一步登天呢？
當時我跟朋友、同事講不出十年之內，〝廸士尼〞將會關門大吉喔，不過我估唔到〝廸士尼〞自己咁唔爭氣嘅，好喇........現在 上海 已經「拍板」又話要興建〝廸士尼樂園〞，我喺度跟大家講：「我敢斷言將來 上海 〝廸士尼樂園〞落成開幕之日，正是 香港 〝廸士尼樂園〞關門之期！」
話哂〝廸士尼〞係一間大機構，佢哋會計埋條數，如果某一個〝主題公園〞長期蝕本的話，試問絕唔會再投資下去嗎？........再講 上海 本身條件優勝過 香港 千百倍，相信佢哋總唔會為咗一棵樹木而放棄整個森林嘛........