男人幫11月Rock爆紅館 「幫主」任賢齊:鬥jam經典先過癮
2015/09/21 08:41:16 網誌分類: 生活
| 得知以任賢齊（小齊）為首的「男人幫」要在紅館開演唱會，我即舉手支持，要知道，幫主小齊是我偶像，梁漢文、蘇永康、黃家強皆是我的舊戰友，他們都是各有風格的實力派歌手，能湊在一起有火花，小齊說：「當日我們在台上互唱對方金曲，Jam得過癮，觀眾亦睇得開心、叫得瘋狂，今次演唱會找來李宗盛大哥的班底為我們重新編曲，希望把經典Jam得更精采。」觀眾萬勿錯過這幫男人11月27至29日的紅館演唱會。 主持：黃柏高 統籌：林永匡 協力：彭燕燕 場地提供：車氏粵菜軒（電話：25281123） 從「男人幫」成立到今天宣佈要登陸紅館開演唱會，外界一直有疑問，男人幫的蘇永康和梁漢文同時是BIGFOUR要員，究竟兩隊組合有何分別？對此蘇永康笑覑直說：「BIGFOUR明顯係綜合性節目，富娛樂性，一半講一半唱，大家建基於多年友情上，一起成長，觀眾睇住我懐大，絕對係一個開心騷，而男人幫係音樂演唱會，說話少鱓音樂多鱓，我懐會花好多心思去做音樂，讓人好容易分清界線。」說實話，兩隊組合各有追捧，如觀眾想見識男人幫在紅館的威力，緊記買飛入場支持。 互jam經典 說到「男人幫」的成立，幫主小齊坦言不是為賺錢，他說：「有次馬來西亞方面邀請我們四個去開演唱會，原本打算每人唱四分一就可以，但平分就唔好玩，演唱會最緊要係開心、有火花，如果只為賺錢就唔好玩，於是幾兄弟就商量一些合唱歌，結果當晚氣氛火爆，觀眾表現瘋狂，全場大合唱，大家好興奮，可以擦出不同火花，大家都好熟自己的歌又去挑戰對方的歌，覺得好有新意好好玩，於是提議不如認真當一回事，把男人幫這品牌長遠去經營發展。」梁漢文補充說：「就好似這場演唱會，幾個月前開會已傾有那些經典歌可以合作，亦找來李宗盛大哥的班底為我們造音樂統籌，為我們的音樂重新編曲，把單人作變成合唱版，不單讓觀眾在演唱會上睇到，還會灌錄成唱片。」 家強創作主題曲 有黃家強加入，自然少不了自家音樂創造，家強埋位即發揮所長，創作他們的主題曲《男人幫》，家強說：「我只是小工，希望在男人幫中出分力，我除了寫歌無№叻，所以好畀心機寫首歌畀大家聽，都係毛遂自薦的，大家聽了也好鍾意，一開始無諗過要用男人幫來做主題，只寫了少少歌詞，覺得男人的力量、男人的魅力應該係點呢？就用了Rock的元素去寫，最後再交畀小齊一齊填歌詞。」新歌以外，唱片全是彼此翻唱對方的經典作，Edmond更與家強翻唱《情人》一曲，「考慮到要把經典歌重新編曲，其實都好擔心，因經典就是經典，做得唔好就會出事，唯一方法就係要用好多心機去諗，舉例我跟小齊唱《喜歡你》，係有次演唱會找小齊做嘉賓，佢想唱《喜歡你》，原先係一人分一段唱，但尾段小齊突然自己Rap，出來效果好正，所以今次我懐會加入R&B元素，編個Rap版，感覺新鮮又不失原本經典味道。」 蘇永康主理造型設計 事實上，四個男人各有分工，小齊負責音樂製作安排、家強主理詞曲創作、梁漢文充當舞蹈和健身教練，蘇永康則肩負視覺造型，單看剛推出的新碟封套便知，真的不用懷疑男人幫的包裝，軍Look造型夠架勢，蘇永康說：「每個人都有自己的性格，小齊身體壯健又是我們的Leader幫主，一定要有支權杖，而我們這班在後面跟頭跟尾的，始終都要有個氣勢，要切合每個人的身材，家強對腳幾幼幾靚，就要他穿條貼身牛仔褲配靴，大家以用不同款式的軍服示人。」小齊趁機大讚Edmond狀態甚佳，他說：「上次大家做Edmond嘉賓都見他狀態好弗，要請教他點操，遲些我們要走Tour，體力不容有失。」 |
 | |||
| |||
 | |||
| |||
 | |||
| |||
 | |||
 | |||
| |||
 | |||
| |||
 | |||
| |||
回應 (0)
我要發表
