人而無信

子曰：“人而無信，不知其可也。大車無輗，小車無軏，其何以行之哉？”

人而無信，不知其可也”這句話的意思就是說：如果一個人不講信用的話，那就不知道他還可以有什麼大的作為。也就是說，一個不講信用的人，是不可能有什麼大的作為的。

港大委任副校事件，終於完結！(假若果班嘢唔會申請司法覆核！申請又如何，一個連博士學位嘅人當初就冇理由獲提名！你響天台掟舊石落街都唔知會掟死幾多個大學生啦，博士為數亦不少，何解衰到要搵個連博士學位都冇嘅人做副校？)

陳文敏未夠班升副校乃不争事實，冇博士學位亦冇研究成果，如何服眾？港大校內擁有博士學位者多蘿蘿，一個『無料』去領導『有料』者，陳生面皮丈幾厚，連范太都不服佢。馮敬恩講的內容，就已透露了陳文敏不獲委任的真正理由，無花無假，陳文敏的缺點響晒度，他真是自暴其醜.

多謝馮敬恩，否則市民唔會知道陳文敏連博士學位都冇！

多謝馮敬恩，否則市民唔會知道依家嘅大學生為左要扮英雄，可以衰到全無誠信！

不過，即使佢有咁大貢獻(爆人大鑊)，我相信冇任何一間大機構會騁用一個全無誠信嘅人(？)

我諗：佢祇適宜做洗碗碟嘅阿哥---大不了都係俾人知佢一日洗左幾多隻碗碟、打爛幾多隻碗碟....呢啲無關痛癢嘅嘢啫！茶餐廳水吧都唔俾得佢做，容咩易連餐廳沖絲襪奶茶嘅秘方都公開埋架！

既然如此，港大應該立刻開除佢嘅學藉(講係咁講啫！港大校長既非香港人，更加唔係中國人，否則何解幫果班嘢幫到出晒面)，反正讀落去都係嘥納稅人嘅錢，更嘥左個學位；呢啲人冇誠信、冇前途，你同我都唔會騁用呢啲人，洗碗碟要咁高學歷把鬼呀？

不過，你同我都唔駛替佢擔心！佢一定係老豆大把，食飽無憂米，邊駛擔心搵工嘅問題吖！再唔係咪叫隻「癡蜂」搭路，叫佢契爺收埋佢做寵物，咁咪唔駛愁囉；正是一人得道，雞犬升仙----請晒佢冚家去乘郵輪(遲早完號)都得呀！