食不下咽 ......

前排同小蛋一齊放大假 , 由於好多晚都夜食飯 , 而且都食到好飽 , 所以腸胃一路都麻麻地 , 直到呢兩日 , 終於都爆發出來 !

食飯時 , 只要稍急 , 就會覺得頂住頂住 , 到呢兩日 , 痛到只可以食粥同麥片等 , 醫生話我係胃液倒流 , 因為太夜食飯 , 未消化哂就瞓覺 , 所以瞓覺時胃酸就會流向食道 , 而食道唔似胃壁 , 佢無保護膜 , 長期係咁就會灼傷食道 !

而家唯有乖乖地食住粥先 , 因為我月中生日 , 小蛋會同我去銅鑼灣食我最鍾意食o既肉眼扒 , 如果到時仲未好無得食就慘喇 ~~