海參冬菇炆雞翼

材料：

雞翼六隻

急凍海參一條(買自盞記)

已處理冬菇5隻，如大隻便一開二，或切粗條

已處理蝦籽2茶匙

蔥段、薑片、乾蔥片、蒜片

一. 雞翼在底部界一刀，下蠔油、生抽、糖、麻油醃一小時。

二. 海參解凍後切開徹底清除內臟，切粗條，以薑/蔥/酒出水洗淨。

三. 雞翼略煎兩面取出。

四. 燒油爆薑、蔥、乾蔥，下冬菇及海參爆炒一會，下蒜片及將雞翼回鑊，灒酒，下適量水或上湯，蠔油、老抽、生抽、糖調味，蓋上炆約5分鐘，埋芡上碟，洒上蝦籽。

註：想個樣靚仔啲可以加啲甘筍花。不過屋企冇，無謂為左整色整水買個甘筍啦！最緊要好味啫。