走難記

2015/10/10 15:03:33 網誌分類: 生活
10 Oct

 

人生有幾多次走難...

作為幸福既港女, 真係冇幾多次。近年, 只係生仔仔之前, 出院之前, 以及上星期樓下火警, 仲有... 今朝廁所燈壞左。可能以後會多d走難既機會...

生仔仔前其實唔算走難, 因為我執左雨天走佬袋同晴天走佬袋成十袋野。我只係去產檢, 之後醫生話有d指數唔多好, 要催生, 入院第二日就無端端打針黎穿羊水, 做左媽媽。

出 院前, 由於晴天走佬袋有咩同雨天走佬袋有咩實在太複雜, 燒餅又要返工, 係老爺幫我拎左d野 (老爺走難), 又借埋奶奶既衫褲黎走... 嚮醫院, 當姑娘話可以帶bb返屋企既時候, 呢個大肚婆有老公陪, 果個大肚婆有家人陪, 一話走得就走左。我呢, 由於6旬既老爺同燒餅要協調下, 又要就返醫院個探病時間 (因為老爺係男人), 等左好多個鐘, 老爺先可以黎幫我拎d一袋二袋走 (因為我媽住得遠, 奶奶又唔鐘意出街), 仲叫埋燒餅既呀哥陪我搭的士返屋企。最搞笑係, 仔仔張針卡, 老爺想摺嚮褲袋度拎走, 好在姑娘即時制止, 話針卡係用一世架, 叫佢唔好摺。幾驚唔見左呀! 我抱住仔仔, 佢地拎住一袋二袋, 又落大雨, 勁似走難。好似冇雨傘添 (因為冇拎個雨天走佬袋), 應該係用件褸遮住仔仔返屋企。

上星期呢, 就係樓下有隻狗既鄰居嚮屋企燒衣紙, 燒著埋間屋。我估佢嚮屋企燒完就落街, 剩低隻狗。當日, 我同仔仔玩緊貼紙, 燒餅聞到有燒膠既味, 我仲以為d貼紙有膠味。過左一陣, 火警鐘響左, 我叫燒餅打開門睇睇, 佢話聞到好似火警既濃煙味, 仲唔走? 我拎左隨身物品同電話, 抱住仔仔, 燒餅就鎖門走人。落到去, 見到有隻狗果個鄰居好激動, 話佢個單位著火, 同消防員講佢想上返去, 消防員應該係唔俾。我同仔仔、燒餅出到去, 幾部消防車, 十幾個消防員, 咁勁?! 又係落大雨... 冇雨傘喎。我同仔仔同d呀婆嚮有頂既地方避住先, 消防員想所有人過左馬路先, 但佢地見我抱住仔仔, 都唔話得我啦。燒餅跑去日本城買左把80蚊既大雨傘,先可以逃去個商場度, 食m記。仔仔本來有飯食, 但嚮屋企嘛, 唯有食包包食飽, 仲有佢爺爺速遞支奶。場火半個鐘救熄, 隻狗焗死左, 冇人受傷。

今個星期延續「當黑星期六」。七點幾起身, 發現廁所燈壞左。廁所同廚房係連住既, 燈係共同既。燈閃下閃下好似閃電咁, 點去廁所? 仔仔同燒餅去左東涌, 我唯有快手快腳執野出去, 去旺角站個廁所, 超搞笑。跟住, 咪返粉嶺避難同補返睡覺囉。

感覺上, 住嚮舊式洋樓除左d信成日寄失之外, 就係好似住嚮山洞咁樣, 成日要走難。之前係天花板滴水, 或者樓上工程聲響, 仲有樓宇更新既工程持續一年既聲響...曾經因為噪音同仔仔一齊走難。

我睇過篇野, 話深夜唔睡既人警覺性高。因為佢地會預警到危險, 所以會聰明d... 咁我覺得自己依家轉數快左, 都應該同環境既突變有關。是福不是禍, 是禍躲不過 =.=

 

 

回應 (2)
我要發表
ivina
ivina 2015/10/17 08:37:20 回覆

{#icons_cat9}

小女子
小女子 2015/10/10 15:54:58 回覆

{#IMG_20150922_184951.jpg}

user

最新回應

ivina
ivina 2021/12/09

{#iconb_69}

ivina
ivina 2021/12/09

英文版UPLOAD緊

wongi
wongi 2021/11/06

送上星星。姜B魅力很厲害,他的影迷在金鐘的麥當奴排隊,在mirror 樂隊前拍照啊!場面熱鬧啊!

淺雪
淺雪 2021/10/30

你都幾多想像力..不個鍾意一個人或一首歌..係冇理由可言..