民豐控股（0279）東方日報．周維秉

距 離 上 次 二 供 一 還 未 夠 一 年 ， 民 豐 控 股 （ 0279 ） 近 日 又 再 宣 布 股 本 重 組 兼 一 供 五 集 資 大 計 ， 消 息 公 布 後 股 價 連 日 下 滑 ， 眼 見 身 家 大 縮 水 ， 小 股 東 「 聞 風 」 喪 膽 ， 其 情 可 憫 ！

民 豐 宣 布 建 議 進 行 股 本 重 組 ， 透 過 削 減 股 份 面 值 ， 藉 此 產 生 股 份 溢 價 以 對 銷 累 積 虧 損 ， 餘 額 撥 入 可 分 派 削 減 股 本 儲 備 帳 ， 然 後 再 進 行 十 合 一 。 完 成 股 本 重 組 後 ， 公 司 建 議 每 一 股 合 併 後 股 份 將 獲 配 五 股 供 股 股 份 ， 每 股 作 價 0.12 元 ， 集 資 額 介 乎 4.743 億 至 6.09 億 元 ， 集 資 所 得 擬 用 作 擴 展 業 務 （ 包 括 保 險 業 務 及 相 關 金 融 服 務 業 務 ） 之 資 金 。 同 時 公 司 指 於 七 、 八 月 宣 布 配 售 12.5 億 元 可 換 股 票 據 一 事 已 終 止 。

遠 唔 好 講 ， 民 豐 去 年 八 月 才 進 行 過 股 本 重 組 ， 去 年 十 一 月 至 今 年 二 月 先 後 一 次 發 行 可 換 股 票 據 及 兩 次 配 股 ， 今 年 三 月 再 進 行 二 供 一 ， 五 、 六 月 又 先 後 進 行 配 股 、 七 月 完 成 配 售 2.5 億 元 可 換 股 票 據 ， 屈 指 一 算 ， 前 前 後 後 已 經 超 過 八 億 銀 。

集 資 用 途 並 不 明 確

在 如 此 情 況 下 ， 小 股 東 最 擔 心 係 ， 今 次 股 本 重 組 ， 只 係 為 公 司 日 後 再 次 「 批 盪 」 集 資 而 鋪 路 ， 而 供 股 集 資 效 益 ， 以 手 頭 資 料 ， 確 又 難 作 評 估 。

查 實 公 司 在 股 票 市 場 掛 牌 上 市 ， 目 的 之 一 正 是 要 透 過 股 市 籌 集 發 展 資 金 ， 呢 一 點 老 周 亦 好 明 白 ， 作 為 投 資 者 亦 唔 應 該 予 以 否 定 。 問 題 係 ， 若 然 一 間 公 司 的 業 務 發 展 依 然 停 滯 不 前 ， 要 依 靠 發 公 仔 紙 等 財 技 集 資 度 日 ， 咁 就 係 不 要 得 。

民 豐 在 唔 夠 一 年 內 兩 度 供 股 集 資 ， 大 洗 牌 過 後 ， 小 股 東 投 資 可 謂 血 本 無 歸 ， 換 來 怨 聲 載 道 ， 可 予 理 解 。 雖 則 話 ， 民 豐 早 前 入 股 合 營 七 成 權 益 ， 以 在 內 地 拓 展 民 豐 博 愛 小 站 網 絡 ， 又 為 民 豐 金 融 服 務 安 排 增 資 擴 股 ， 嚴 格 而 言 業 務 發 展 唔 算 係 毫 無 進 展 ， 但 說 到 底 ， 呢 項 目 遠 水 不 能 救 近 火 ， 如 何 解 決 當 前 公 司 缺 乏 盈 利 基 礎 問 題 ， 乃 管 理 層 當 務 之 急 ， 只 懂 「 班 水 」 ， 在 轉 盈 方 面 卻 未 有 制 訂 實 際 方 案 和 明 確 時 間 表 ， 難 免 令 小 股 東 感 到 迷 惘 。

既 成 定 局 ， 小 股 東 值 唔 值 得 供 股 加 注 ， 抑 或 壯 士 斷 臂 ， 定 係 全 數 撇 帳 冇 眼 睇 ， 老 周 亦 冇 大 智 慧 ， 只 有 勸 閣 下 審 慎 評 估 自 身 組 合 風 險 水 平 ， 果 斷 作 決 。

周 維 秉