同居室友結婚了…
2015/10/12 21:44:33 網誌分類: 親情
先旨聲明，呢篇唔係一篇關於HeHe嘅post，千祈唔好誤會。
事緣係每逢10月11月結婚旺季，不論同你熟唔熟，總會有好多朋友怒放紅色炸彈。
今次係10年前讀大學時曾經同居左3年嘅舊朋友，我地就暫時叫佢做HeHe先。
點解叫佢舊朋友?因為畢左業都冇咩點聯絡。點解會冇咩點聯絡?因為生活左3年，真係唔多習慣佢嘅生活習性。
基本上佢份人都好整潔，唯獨是食野比較嗱喳，食到週圍都係。我講緊嘅唔係一般食物，而係…
女人。HeHe本人其貌不揚，但為人精靈多計，口甜舌滑，加上煮藝精湛，水電電腦無一不曉，因此身邊不乏美女相伴，係宿舍橫行無忌，食女無數，有之美譽。
其實為唔為食就真係唔關我事，但攪到入我房就真係唔係幾好囉。
同居慘痛經歷記得有一次，一大清早俾d咦咦嗡嗡聲嘈醒左。初時以為有蚊，原來係下格床訓左兩個人，係度卿卿我我，不亦樂乎。
“哎唷~我個膊頭好攰呀~你幫我按摩下啦~”“咦~我做咩無拿拿幫你按摩呀?”“我煮早餐你食好冇?想食咩?”“我要食腸仔蛋”“但我幫你整緊部notebook冇手食喎，你要餵我架喎~”“咦~好衰架你~”“唔係呢度呀~落d落d~係呀~好舒服呀~”當年瞓係上格床嘅小弟，真係陷於兩難局面。落床走又尷尬，唔落床走又難受。
俾著係你，你會點做?
自以為機智嘅我，想出一個辦法，就係不斷轉身，試圖製造瞓醒預警，好讓樓下知情識趣，知難而退。可惜事與願違，情況每況愈下。
“其實會唔會噪醒你roommate架?” “殊… 細聲d就得架喇，上面條友成日轉身好懶瞓架”
到最後點拆我都唔係好記得左… 一句講哂，下格偷食，上格當災。
有一次仲離譜，話說小弟上足一日堂，返到宿舍見HeHe唔係房，諗住恰一恰，點知驚見…
我張床濕濕地，仲有幾條疑似女性頭髮係床上面，有長有短… 有直有曲…
果一刻我呆左，玩到上人地張上格床，當時嘅感受真係筆墨都難以形容。
那些年，就是如此荒唐。
咁多年冇見，唔知HeHe個老婆又係咪當年其中一個呢?
Anyway，結婚一生人一次，佢餐酒我一定會俾面出席。除左會照做人情之外，我仲諗到一件小禮物送俾佢。
就係呢個為食手指套。
點解要送呢個為食手指套?到時上到台影完相，一定要真心恭喜一下呢位舊朋友。
“恭喜哂!大個仔喇HeHe，結左婚就唔好再咁為食喇!真係要食，唔該食得衛生少少，帶番個為食手指套。” 回應 (0)
我要發表