區議會選舉：我點選？二

早兩日講過，響區議會選舉，投票我會用「抽除法」，將最唔想選嘅候選人一一抽出！

首先要抽除嘅，更係罪大惡極嘅大鱷啦！

古語有云：寧生敗家子，莫生蠢鈍兒！但係用我嘅抽除法，我會話：寧揀蠢鈍兒，莫選敗家子！

何解？選個蠢嘅，佢幫唔倒我啫，亦唔識得害我吖！但係選個敗家子.....

佢不但會攪到我亡家、甚至亡國喎！又何解？

啱啱「無線收費電視」播緊套「紅高粱」，裡面講到一班土匪，雖然慣左打家劫舍，但一旦日本人入侵，要將佢地收編；佢地寧願冒死抵抗、亦不願做走狗---自己人打自己人！

偏偏香港便出現了離奇怪誕的現象，越係讀書人、越係冇名節，甘於當外國走狗！呢啲人先至最恐怖。

十多年前我學氣功。當時師傅要先面試，才決定收唔收我呢個徒弟。聽落係咪有點奇怪？有學費交就得啦！

我當時問師傅：何解要面試？那些人你唔教？

據佢講：某些人因身體一些問題，練氣功時有機會走火入魔者，不教！合理吖。

另一些心術不正者，不教！因為練左氣功，人會變得更聰明！心術不正者，越是聰明，越是壞事做盡！

所以，收得「黑金」嘅，無論係個黨、或者黨員，一於唔選！

我講嘅「黑金」，當然唔係一千幾百咁少嘅捐獻啦！最少都幾十萬、甚至係幾百萬啦。

請問：你有付出過咩嘢？佢同你又有咩嘢親？外國人要大拿拿咁俾筆錢你洗？如果佢淨係收外國人錢(當係打份工)都冇咁衰，衰就衰在佢地收兩家茶禮(立法會果份都唔少架)仲要攪亂檔！

雖然呢班大鱷甚少參與區議會選舉，正所謂大雞唔食細米！兩萬蚊對剛畢業嘅人嚟講就冇得彈啫，對於食開大茶飯嘅佢地嚟講....

即使如此，佢地亦會派黨員參選區議會。一旦勝出，便會成為呢班人來年立法會選舉嘅樁腳，所以不容忽視！我咁聰明，目光一定會放遠啲。

今日結論：收過外國(死肥佬)「黑金」嘅黨/黨員，一於唔選！