區議會選舉：我點選？四

內地網上瘋傳口號：

「珍惜生命，遠離香港。」

「香港買挨宰，不買挨揍。」

「香港購物者天堂，但不購物者，送你上天堂。」

「香港購物講粵語打八折，講英語打六折，講普通話打到你骨折。」

當然，事出有因。因咩嘢？紅磡事件囉！仲唔知咩嘢事？自己睇報紙啦。

呢件事發生之前，內地人來港購物人數經已大減。何解？香港有啲自稱為「本土」嘅人(？)士、以及一些得閒冇事去旺角、尖沙咀等地「鳩嗚」一族，所作所為嚇親人，香港真正本土人士都怕左你地呀，更何況係內地人？

呢班嘢好彩加加埋埋得果一百幾十人！雖然不成氣候，但係成事雖然不足，但敗事則綽綽有餘。

香港零售業俾班嘢攪到一潭死水----「莎莎」經已發出盈警啦！「百麗」應該都唔會好得幾多.....

如果佢地出嚟參選兼夾選倒，咁真係香港冇運行囉！

其實呢班嘢衰過「傘兵」，但何解抽完傘兵先至抽佢呢？因為佢人少囉！更係打左大鱷先啦。

結論：選民必須睜大眼，制止「本土、鳩嗚」一族有機會出嚟行！