sunday、匙羮、「坑渠生物」、露露、寶兒
2007/12/08 21:44:48
網誌分類:
生活
今天番工前,約左sunday哥哥食飯,冇計啦,佢而家係我前輩,佢經歷過而家我經歷緊既野,唔請教下佢,都對唔住佢啦!
見到佢,咦,真係瘦左喎……個鼻!以前sunday哥哥最為人津津樂道的,就係佢個大鼻,真係大到同成龍有得fight。除了跟他討論工作事情外,還自爆了我之前所任職的公司,他看來吃了一大驚。他又爆上次帶誰去自己公司見工,哦,原來係佢。我一路都估佢係現職「果一間」同「果一個版」,真係畀我估中晒!哈哈!
sunday哥哥今日放假,原來係去探呀「匙羮姐姐」。大肚大左好耐既匙羮姐姐終於生左個囡囡,我叫sunday幫我影張佢既相。有其母必有其女,阿媽咁靚,個囡囡都應該唔會太差,岩我口味……
同「露露」傾開,佢話原來「寶兒」都生左個仔。嘩!寶兒喎!唔係嘛!在我心目中,佢永遠都係冇雀既腳仔……冇腳既雀仔,估唔到都會結婚,仲會生仔。
我?生仔呢家野咪搞我!
之前仲近呀!!! 同一棟!!!
都好呀, 搵日去王X記, 發X號之類整番餐