尖東潮州城

姪仔響Halloween生日，咁啱今年生日響香港逗留數天(期間又要上深圳公幹)。大佬一家住響尖東某酒店，前日下午與一眾人等響尖東海傍間Nano飲下午茶，晚上我地幾個食潮州菜，我替姪仔慶生。

早兩日問定姪仔想食咩嘢？佢話食潮州菜。我上Openrice搵，尖沙咀得兩間潮州酒樓，一間「百樂小館」在美麗華商場，另一間「潮庭」在星光行。

當日大家一早起床有事做，忙左一日，所以大家都好攰！姪仔問尖東有冇潮州酒樓？我答剛上Openrice搵過，似乎冇！於是諗住行去美麗華商場，但行到東海商業中心，便見倒「潮州城」個招牌，咁梗係捨遠圖近啦！

上到酒樓大約六時卅分，離坐時大約是八時；看見光顧該酒樓的大多是旅行團，我地坐左個半小時，隔坐經已不斷換客，全晚滿座！該晚是星期五，有咁嘅入坐率仲駛咩嘢靠港客吖！

我地五個人叫左四餸一湯加兩個甜食：

功夫茶：正宗潮州菜少不了！

川椒雞(又係正宗潮菜)與鵝片墨魚：

椒鹽白飯魚：雖然有一小碟椒鹽，我地均認為白飯魚炸好後應該洒一點椒鹽；依家啲魚完住冇味，要自己醮椒鹽食。

胡椒豬肚湯：又唔記得影相！

欖菜肉鬆四季豆：當然都係正宗潮州菜啦！去潮州菜館蒸石斑咩。

黃金伊麵(糖醋麵)與黃金油粿：亦是正宗潮州甜點！

埋單九百幾，唔貴！食物普遍唔差，招呼亦唔錯，食得過。