不使自己愧疚的一票！

尚有十七天便是四年一度的區議會選舉投票日，「警務督察協會」罕有地出了通告，提醒警察同僚及其家屬，要行使公民權，投下「不會使自己愧疚」的一票！

我所認識的警務人員，一向政治冷感；加上在投票當日，警務人員均特別忙碌---除了日常工作外，更加要協助選舉事務處維持選舉當日秩序，特別是票站附近，隨時會發生事端，令警方疲於奔命。

一場「佔領」鬧劇，令警務人員突然清醒---明白到香港安定，警方有責----唔係淨係防上罪案，人心污染較打家劫舍更嚴重！打家劫舍受影響嘅嘅係少數，人心污染傷害嘅係整個社會；如果果班不知所謂、自以為是嘅人入倒議會，香港未來難有安定、更莫說繁榮！

個人希望警務署亦能夠多加配合---譬如盡量安排時間，讓警務人員可以投了票才上班、或在票站開放前下班，如果兩樣都安排唔得，也應在票站開放時間內，安排他們前往投票！香港生死存亡，盡在11月22日。

咁樣講係咪有點誇張？區議員可以做得咩嘢？咪加多幾個休憩處、避雨亭、斑馬線....之類...

如果你地咁樣諗就錯啦！

須知道：來年是立法會選舉，今年區議會選舉結果，足以影響來年立法會選舉結果.......你地好想立法會繼續「拉布」、咩嘢都做唔倒咩？你地好想立法會開會、好似台灣咁唔文明，動不動掟杯掟碟咩？如果祇係想睇吓鬧劇嘅，睇「無線」就得啦！唔好搵香港前途嚟「較飛」。

早前網誌一連幾日講左「區議會選舉：我點選？」，今日想請各位選民留意吓有那些候選人是藏頭露尾：明明屬於某黨、或者親近某黨，而唔敢光明正大咁承認者。

何解？因為驚俾個黨連累囉！又或者唔肯定選民點諗，避吓風頭先。

所以，即使候選人聲稱屬於無黨無派，都要認真查究，唔好俾人矇騙呀！

最簡單咪留意吓佢身邊果啲係咩嘢人囉！見佢同隻「癲狗」影相嘅，佢都係同類啦；難度你同我會同隻「癲狗」影相咩？佢行埋嚟，我都即刻彈開啦，我唔驚瘋狗症呀？