太古坊美味和牛漢堡店 - Burger Mix

最近食得中餐太多，偶然都想轉吓口味，除了日本菜外，對於我這個牛魔王，Burger都可算是我的第二最愛。前天下午到了鰂魚涌，路過了一間很久之前食過的和牛漢堡店，心癢癢下決定入去試吓有沒有退步先。

餐店裝潢依舊較其他快餐講究，紅色主調裝修，大大盞水晶吊燈，掛畫及皮椅皮沙發，感受到曾花心思設計過，唯可能日子有功，貨物雜物還是放滿櫃頂，加上一入店子有股煎炸的油香，令人感覺有點凌亂及格格不入之感。

難得嚟到，決定“豪“一下，叫了一個四色芝士蘑菇和牛漢堡，黑松露牛油粟米，原味脆炸雞翼同凍飲凍飲荔枝玉露。

四色芝士蘑菇和牛漢堡
和牛漢堡扒煎得少少焦香，肉汁豐盈，蘑菇份量充足，啖啖都有蘑菇；而芝土已溶化成芝士漿，香味充斥味蕾，只是分不清何謂四色芝士，但整體口感豐富，份量十足，好味邪惡之極。

黑松露牛油粟米
粟米盛載在一個長方盒子裡，包裝幾精緻。打開盒子，粟米香味徐徐傳來，面頭放了一大羹黑松露醬，貨真價實，撈勻後黑松露香氣四溢。食落粟米清甜，黑松露香氣充滿口腔，唯略嫌牛油香味不足，但仍十分美味，迅間清盒。

原味脆炸雞翼
此店雖然主打漢堡，估唔到這隻炸雞全翼更有驚喜。雞翼醃得入味，炸得外皮乾身脆卜卜，內裡仍十分juicy，香口惹味非常，食到雞翼尖都啜清埋。

荔枝玉露
一般沖調貨色，荔枝味夠香，但不會太甜，還加入椰果增加咬口，算合格。

全個下午茶盛惠$77，算是合理，下次有機會暹會再番嚟回味的。

更多資訊，盡在: 古家私房菜
Facebook: https://www.facebook.com/myplayground2015 

古家私房菜
本肥仔廚藝不算精湛，勝在有三心兩意－－用心、耐心、貼心、創意同心意，見到朋友食得開心嘅同時，我亦覺高興！