傘兵突圍成功
今屆區議會選舉結果,令人大跌眼鏡!
一班「傘兵」,除左「佔中」外,響冇咩嘢地區政績支持的情況下,竟然創出嬌人成績!如果說:港人支持「佔中」、支持「鳩嗚」,那麼,何解社民連、人民力量同熱血公民又會出果個、死果個呢?因為呢班人一向俾人嘅感覺就係爛頭卒,行先死先,真係要做嘢就企埋一邊。
記憶所及,「佔領」初期,有一班年青人,抱著自己認同的一腔理念,相信「佔領」可以以達到佢地以為嘅「普選」結果;但當事件發展至後期,部份市民,由最初支持佢地理念,至改變態度,認為佢地神憎鬼厭。那個時候,最初參與果班青年其實很多經已徹退。
我祇有望呢班參選甚至獲選嘅「傘兵」,會係上述呢班較溫和嘅年青人,咁將來對香港嘅傷害又未必如想像中大。
年青人抱著一腔熱情,每每想改變全世界,尤其是現今的大學生,一早被他/她們的教棍洗腦!我未退休前亦曾遇過一位大學學生會會長(醫科生),想當年他說話總是拙拙迫人,非達到自己目的不可;但他畢業後在社會工作了一年左右,再相遇時我發覺他整個人都改變了,明白到世事不能盡如人意,自己當年所想亦未必切合社會需要。
據稱,佔領行動後多個傘後組織崛起。今次約有五十多名「傘兵」參選,最終取得七個議席,成績較預期好。以下是我從傳媒處搜集所得的部份資料:(因為很多「傘兵」報稱是獨立候選人)
一. 中西區堅摩:
冼卓嵐 1,072
周世傑(青年新政) 838----輸
陳學鋒 1,859
二. 中西區觀龍
梁頌恒(青年新政) 1,569----輸
楊開永 2,491
三.深水埗大角咀南
黎耀駿(青年新政) 1,362-----輸
蔡少峰 1,608
四. 旺角大南
趙旭光(青年新政) 606-----輸
馮文轁 962
莊永燦 1,424
五.旺角北
黃舒明 1,712
黃家俊(青年新政) 869-----輸
六. 九龍城黃埔東
梁美芬 2,345
游蕙禎(青年新政) 2,041-----輸
七. 九龍城黃埔西
鄺寶賢(青年新政) 2,114-----勝
劉偉榮 2,075
八. 葵青區青衣南
葉荏碩(青年新政) 1,654------輸
潘志成 3,214
九. 葵青區長安
羅競成 2,359
黃俊傑(青年新政) 1,467------輸
何志偉 554
以下雖然冇講明,據報其實都係傘兵:
十. 灣仔大坑
王政芝 1,148
楊雪盈 1,398------勝
十一.東區漁灣
鍾樹根 1,863
徐子見 2,026------勝
十二. 觀塘樂華北
黃子健 1,729------勝
馮錦源 1,246
十三. 沙田松田
黃學禮 1,631------勝
勞越洲 662
鄧永昌 1,268
十四. 沙田王屋
梁志偉 1,936
黎梓恩 2,111------勝
十五. 灣仔司徒拔道
黃宏泰 1,150
區麗莊 642-----輸
十六. 大埔舊墟及太湖
劉勇威 2,170------勝
張國慧 1,699
令人矚目的不是他們取得多少個議席,而是以他們在幾無---冇政績、冇經驗、冇人脈、冇樁腳、冇協調、冇資源的情況下,擊敗了兩位區議會主席: 「傘兵」徐子見於東區漁灣選區擊敗鍾樹根當選,青年新政鄺葆賢於九龍城黃埔西擊敗九龍城區議會主席劉偉榮當選。某些選區,即使是敗下來,亦是高票落選;在黃埔東,祇輸了三百票給現任雙料議員梁美芬,這個結果足以令人反思:
一. 雙料議員(鍾樹根、梁美芬、何俊仁、馮檢基、涂謹申)是不是顧得頭來腳反筋!如此說法屬實,雙料?日後是否應免則免呢?正如我之前講過,選民對立法會與區議會議員是有不同期望的;
二. 今屆有六十多人是自動當選的。正所謂有競爭才有進步,慣左唔駛選、一旦有人挑戰便一闕不振;所以即使是太平盛世,地區工作一樣不能鬆懈;
三. 黃埔屬中產區(太古城、海怡半島....同),居民一般學歷條件較高,很少需要求助於區議員。在此種情況下,他們投票意向便會傾向選擇相同理念的人,候選人是否有政績根本唔重要;
四. 人心思變,對住同一個人太耐都想換個面孔,選民唔會同你講心!因此,自己都要不斷思變。
至於呢班政壇新丁,將會為議會帶來甚麼新景象?大家且拭目以待,現時唔駛咁悲觀嘅,希望佢地見過世面一段時間後,會「從良」啦!