域 流亦詩
域 流亦詩
域 流亦詩

反恐又見反恐

2015/11/27 14:30:38 網誌分類: 講人自講
27 Nov

 

 

反恐定縱恐

越搞越難懂

人無貪之念

那有戰火紅

 

呢嗱、西方反恐反咗幾十年、但係恐怖活動卻係越來越恐怖。歸根結底就係、西方反恐有多重標準。凡係不利於他們的都被定性為恐怖組織、凡有利於他們的都是被稱為反抗軍。當初、天朝在自己地頭打擊東凸恐怖組織嘅時候、西方視之為政治打壓、當中花旗更加在國際場合出口術、指控阿爺假借反恐為名屠殺異己。雖然花旗在911事件之中被自己湊大嘅阿語丐得執咗一劑勁嘅、但死性依然未改、並間接造就出另一個恐怖組織衣撕爛角為禍人間。

 

一直以來、西方為咗控制中東石油資源、便在該區培植自己嘅勢力。他們利用真主教嘅遜派和什派兩宗之間嘅矛盾、幫助一派打壓另外一派、從而扶植親西方政權。可惜嘅就係、當部份遜派政權穩坐江山之後就唔再言聽計從、西方惟有轉過去幫助被打壓之中嘅什派去推翻暴政。就係咁、那批先前受過西方特訓嘅遜派軍官便轉入地下(西方稱之為恐怖組織)、並與其他遜派地下組織連結盟。就係咁、衣撕爛角便應運而生。由於衣撕爛角嘅軍官擁有良好軍事知識、亦具有豐富實戰經驗、再加上獲得信狸派同道和某些G20成員國暗中幫助、所以成功奪取得大塊土地和石油控制權。因此被喻為當今世上最富有嘅恐怖組織。

 

沙俄介入中東反恐、並將衣拉黑、敘利瓦、利肶瓦三方什派政權連成一線打擊遜派嘅伊撕爛閣。本來灰熊京一心想拉攏衣塱和土意奇加入、實行東西兩面夾擊、打撕爛角一個稀巴爛。之但係、當日前一駕被指踩過界嘅沙俄戰機遭土意奇軍擊落之後、俄土雙方關係立即惡化、而這個計劃就馬上泡湯。就係咁、衣撕爛角便逃過一次滅頂之災。土意奇早唔發難、遲唔發難、偏偏揀在法攔西準備跟沙俄結盟打擊衣撕爛角才發難、連盲公都睇得出係乜嘢一回事啦!難怪江湖上盛傳、衣撕爛角係透過土意奇、暗中將石油以四份之一價錢、賣給扶桑和意色烈啦!

 

沙俄為着鞏固自己嘅橋頭堡、便將什派政權聯結起來。花旗為保護在該區嘅既得利益加強反政府軍嘅戰鬥能力。再加上衣撕爛角這名爛仔亦獲得某大哥大暗中祝福而繼續作惡。唔使問阿貴都知到、根本冇人望中東太平啦!係嘛?今次中東這盤大棋局已經重新擺開、隨着來就要看看到底是奧黑馬嘅棋藝高超、抑或係灰熊京夠掯。總言之、中東之所以冇太平、錯就錯在地下有石油之嘛!聽聞話、東南二海嘅石油蘊藏量乃係中東數倍之多。因此、天朝家門口休想風平浪靜矣!

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!