如有天櫻花再開

如有天櫻花再開，期望可跟你示愛，驟眼睇以為呢棵係櫻花樹，但係其實佢係俗稱美人樹嘅絲木棉，每年11月，迪欣湖呢位美人都會開花，絕對係影相打卡必到位！

美人重質不重量，成個迪欣湖內，只有一棵美人樹，要搵到美人，就要花D腳骨力，入咗迪欣湖之後，要一直行到植物園，就會見到佢。最近係大專畢業季節，一班同學一齊影畢業相就啱晒喇！

除咗迪欣湖之外，其實香港都仲有其他地方有美人樹，好似香港公園、南蓮園池等等，但係就冇迪欣湖呢棵咁大咁靚！