李後主之歸天

尋日北上操曲。呢個局兩個月先一次，所以好少會重覆唱之前唱過嘅曲；但係早兩個月同芳芳操呢首歌，有驚喜喎！因為中間有和唱---唔係間間曲社會有人幫你和唱架！咁有和唱梗係好過冇啦，當然可以搵其他曲友幫手，但係一來佢地未必識唱首曲、即使識都人丁單薄，冇效果！

上次第一次操，大家都唱得麻麻，但係音樂好，芳芳話齋：有陣時你唔係唱得咁啱，音樂師父某程度上可以引番你入正途！有冇人可以幫吓我地尊貴嘅議員，引佢地返正途呢？

正因為咁，所以今次諗住重唱；隔左兩個月，大家都有溫功課，冇理由差過上次架！

可惜，人算不如天算！去到先知尋日頭架放左假，所以由替工頂上。

我問芳芳：你估呢位頭架會唔會和唱呢？結果......

曲情描述：

南唐李後主嘅故事，相信大家都好熟悉。呢段曲係講李後主與小周后臣虜後，李後主寫了「虞美人」一詞，令宋主不滿，便趁李後主壽辰之日，賜下牽機酒。結果李後主與小周后夫婦雙雙服毒而死。

日期：5/12/2015

地點：鳳凰軒

演唱者：芳芳/Van

https://app.box.com/s/fatr68vsaxvq5ujzyqgprksmibmukgan