域 流亦詩
域 流亦詩
域 流亦詩

一代女俠葉錫恩

2015/12/09 14:58:21 網誌分類: 時事
09 Dec

賢士與鬥士

只差一個字

理性討公平

人皆稱俠義

 

一生誠心誠意為基層市民抱打不平和爭取利益嘅葉錫恩女士、於今年十二月八日上午九時許與世長辭、享年一百零二歲。一九九五年在市政局大選當中、葉女士被對手(曾經是親密戰友嘅講筒盟(後稱白鴨黨)長老)華叔將其對社會的貢獻指為小恩小惠。結果葉女士前後兩次在選舉中被擊敗而淡出政壇。今日回頭再望忽然發現、原來當年葉女士嘅所謂小恩小惠、比起當今政客們嘅大幫大忙不知優勝多少倍。葉女士雖然未有足夠力去牽動整個社會、但數十年來受過她幫忙嘅市民已是不勝枚舉矣!

 

講起小恩小惠和大幫大忙呢兩家嘢、雖則話當無葉女士所做嘅係小恩小惠、但對於貧苦小市民而言是實在的、絕不似得今日嘅所謂大幫大忙原來是大搞政治騷、而且仲係破壞多、建設少嗰隻。小市民著重的就是實實際際嘅生活改善、而非甚麼遠大嘅政治理想、更唔想見到整個社會變成政治鬥獸場。今日嘅所謂大幫大忙帶來的就是拖慢民生改善嘅節奏。遠嘅唔講、就講講住屋這個具迫切性嘅問題。目前輪候上公屋嘅家庭數目已超過廿五萬之多、聽講話情況繼續下去、明年勢必超過卅萬個輪候家庭。呢嗱、千祈咪睇低呢個問題呀、再搞唔好嘅話、民怨定必加劇。俗語都有講啦、衣、食、住、行、係生活中嘅四大主要元素嚟吖嘛!現在食物安全已經令人不安、連飲水都變成嚴重社會問題、再加上居住問題、形勢都咪話唔嚴峻。吓、點解會搞成咁?呢啲咪就係政府和政客長期互捻嘅結果嚟囉!

 

依在下睇、當年葉女士堅持以和平理性嘅態度替市民爭取利益、才真正稱得上是王道、絕不是今日喜好鬥垮鬥臭嘅政治人物所能相提並論的。

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!