有咳止咳,冇咳潤肺
2015/12/14 08:01:23 網誌分類: 健康
依家出街搭車,經常遇到隔離左右有人咳,但係極少有人會帶口罩!所以為左自己著想,隨身帶定以防萬一啦!
天氣忽冷忽熱,好容易會傷風感冒兼咳嗽。以下飲品,有咳止咳,冇咳潤肺;即使止唔倒咳,都飲唔壞人!
材料:
新鮮龍脷葉三兩(徹底洗淨,葉及莖均要保留)
桔餅兩個(檔販千叮萬囑叫唔好洗,洗去糖份便減低功效)
蜜棗四粒
南北杏
果皮
用五碗水煲滾,落所有材料再煲滾,收細火煲一個半小時,得湯約三碗。
註:
一. 龍脷葉,主治清熱化痰,潤肺通便。用于肺燥咳嗽,咯血,大便秘結。
二. 桔餅:色澤橙紅、不含任何色素、口感細膩。桔餅是一種頗具特色的食品,是用帶桔皮的紅桔加工而成的天然食品,沒有桔皮中的苦味,具有潤肺止咳的功效,深受中老年人的歡迎。
以上兩者在花檔有售。如果買唔倒新鮮龍脷葉,可到藥材鋪買乾貨。
此湯很好飲,小朋友一定歡迎。
回應 (0)
我要發表