蒸咸鮮魚
2015/12/14 17:30:05 網誌分類: 食譜
早兩日買完餸,才發現有一兜兜嘅池魚賣,十五蚊一兜有六條。咁平又咁大條唔係成日買倒,於是買左一兜返屋企,實行整「咸鮮魚」。
咸鮮魚要早兩三日前醃定,等兩至三日先至蒸嚟食;佢唔係咸魚,但係蒸出嚟好鮮味,食味其實好過幾十蚊買嘅養魚。呢個整法係漁民教嘅,當時佢教我用池魚,不過用其他魚都冇問題---用紅衫魚仔一樣好食。
材料:
池魚或其他咸水魚
薑、蔥
預備:早兩至三日前,將買回來的魚去腮及內贓洗淨抹乾,下適量鹽(因為唔係整咸魚,鹽的份量不能太多。以我六條魚來說,大概用了半湯匙海鹽)將魚兩面塗抹,用保鮮紙封好放雪柜。
製作:煮前兩小時取出魚,在水喉下略沖去鹽份,徹底抹乾放至室溫。蒸前排上碟,放上薑蔥及油,蒸七分鐘至熟。
食左一條先記得影相!
回應 (0)
我要發表