川貝母潤肺湯

2015/12/19 09:23:10 網誌分類: 食譜
19 Dec

早幾日響工展會買左包「川貝母潤肺湯」,今日煲嚟飲。根據湯包上指示,加左豬骨、甘筍同粟米一齊煲兩小時:

包住果舊甘筍係一個星期前用剩嘅---用得梗係唔好嘥啦!

雖然隨湯包有川貝母,我都加左多少私伙(大粒果啲)落去,算係加料啦:

可能大家會諗:與其買湯包,何不自己響藥材鋪執?我認為如果湯包嘅材料係淮山、杞子、圓肉呢類普通藥材,通常屋企都有存貨,當然冇必要用湯包。但係呢種湯包材料:飛天擒撈、龍脷葉、川貝母、琵琶葉等都唔係屋企常備嘅材料,買湯包一定較方便!

我響工展會買,一百蚊三包(仲送左包鼻敏感湯)----有幾款湯料選擇!

回應 (0)
我要發表
user