補血：牛尾羅宋湯

2015/12/23 09:25:39 網誌分類: 食譜

23 Dec

牛尾湯本身經已補血，何解要特別聲明是補血牛尾湯呢？因為加左紅色芸豆囉！據稱紅色芸豆補血、白色芸豆補氣；早前我買左紅芸豆、白芸豆各一包(黑龍江出品)，今次加左紅芸豆，要早一晚浸定，發大兩三倍架：

因為用剩左少少紅腰豆，所以一齊浸：

材料：

急凍牛尾一條，下胡椒粒飛水

西芹、蕃茄、甘筍、椰菜

紅芸豆

茄膏(半罐--一罐)

一. 燒油爆所有材料，加入茄膏同爆炒。

二. 另煲滾適量滾水，將(一)料轉入湯煲內煲滾轉細火煲個半小時，熄火焗一小時；再開火煲個半小時。

註：茄膏很重要，唔落佢、無論你落幾多蕃茄都唔會有咁嘅色水(每次用半罐經已足夠，但因為佢嘅用途唔廣，剩番半罐好容易發霉，所以我落晒一罐；再者，茄膏必須炒過才香濃。咁大煲，我飲幾日架啦！

回應 (7)

我要發表

2015/12/23 15:01:42 回覆

冬妹：個「姐」字係尊稱啫，同年紀、輩份無關！

2015/12/23 14:37:23 回覆

聖誕日正打算煲牛尾羅宋湯，正好偷師，多謝多謝！

立冬 2015/12/23 11:50:46 回覆

VanYYY姐，多謝！我都很喜歡牛尾的，如果是六七十元，下次就要買夠一條了．

BTW，我應該係冬妹呢． ${#iconb_25}$

2015/12/23 10:59:03 回覆

383383：也祝你聖誕新年快樂！

2015/12/23 10:58:11 回覆

冬姐：依家新鮮牛肉好貴，我通常都係買急凍用。響超市買：牛尾一來切得薄、二來兩三件都幾十蚊；我通常在凍肉鋪成條買，一般是$28-32一斤(今次在肥媽介紹響灣仔果間)--圖示果條約六十幾蚊！你可以叫佢幫你切埋。據老板稱(唔知真定假)：街市賣果啲都係佢地批發出去。我當時嘅反應係：咁咪即係我地以為係新鮮貨、其實係急凍貨溶左雪攞嚟賣！

383383 2015/12/23 10:38:05 回覆

睇落幾好味啊！祝聖誕快樂！ ${#iconb_259}$

立冬 2015/12/23 10:26:22 回覆

請問一條急凍牛尾大概多少錢？因我在Piago買幾件都要$58. 買新鮮好還是急凍好？

月曆