吹水又見吹水

2015/12/28 15:10:10 網誌分類: 講人自講
28 Dec

 

聖上當年曾講過

三權合作冇囉嗦

今日勢成水火格

未來好事更多磨

 

記得某年當萬歲爺尚是儲君之時、曾到本城巡視。期閒他曾經講過、三權(行企、法、黐法)應當通力合作而非對抗。誰知萬歲爺話聲未了、就有人撲出來指那是干涉本城內務之舉、更有人喻之為企圖將本城染紅。無論人們點睇都好、那確實是萬歲爺對紫荊城嘅期盼、因此他心儀的代理人便成功登上縣太爺寶座。然而、自從縣太爺就任以來、不獨止係行企與遝法嘅關係趨於惡化、甚致連黐法部嘅兩名過氣大判官都在「黐法覆核」這個問題上各持己見而爆發口水戰。咁你話嘞、我哋嘅社會又點會有太平可言呢?因此有人認為縣太爺搞到整個社會變成河蟹、乃係領導無方所至、所以冇得留低。坊間亦流傳着下屆縣太爺人選、將會係當今大帳房掌櫃抓錢華。唔知你對呢個預測又點睇呢?

 

呢嗱、民間有民間對縣太爺嘅評價、但朝廷亦有朝廷嘅評價。坊間一般意見認為、當今縣太爺嘅作風十足十是一隻惹火尤物。雖然人們多數都不願見到自己生活之地變成政治鬥獸場、但亦只能眼巴巴的看着黃藍兩旗兵馬不斷衝擊着整個社會。因此坊間普遍對縣太爺嘅評價是貶多於褒。但從另外一個角度睇就會發現、原來黃藍兩路人馬互砍得越是厲害、販民嘅非洲和尚指數就飆升得更加厲害。在剛過去嘅驅異會大選當中、販民陣中幾名老鬼齊齊躀低、利益盡歸傘兵和本地派兩路人馬。不過有人計算過、傘兵和本地派在驅異會大選之中抬頭、對朝廷來講、並唔一定只係負面的。因為這群新興販民與傳統販民基本上係唔啱嘴形。只要他們繼續狗咬狗骨嘅話、獲益嘅始終都是亂制派。之不過咁、假如缺少了縣太爺呢件惹火尤物在此左焫右焫嘅話、販民絕不會被氣到七竅生煙而方寸大亂。試問、如果你係萬歲爺嘅話、你又會唔會輕易將販民嘅眼中釘和肉中刺隨隨便便拔走嘅呢、吓?!

 

回應 (0)
我要發表
user