又一城聖誕新年裝飾

家住紅磡，最方便係去尖沙咀、旺角、樂富同又一城。尖沙咀與旺角都去過，樂富冇咩嘢地方行，尋日去又一城逛逛，順便又影吓佢啲佈置：

從巴士總站入去，祇見呢個冇設計可言嘅佈置----將所有與聖誕有關嘅嘢堆砌而成：

要續格睇至睇得清楚：

商場中心位置，每年都係放置聖誕樹。今年樹上有一隻鳥---橫睇掂睇都唔似係白鴿，仲好似愁容滿面咁：

一舊嘢咁：雪景加上企鵝！喂，冇收你錢架，仲彈三彈四，下次叫啲「冷血XX」趕你走吖拿！

中午餐：Super Sandwich---我唔鍾意食三文治架，所以食焗薯，加杯鮮奶咖啡，咁就五十八個大洋啦！好唔好食？與十年前比較(我真係超過十年冇幫趁過架)，差左----薯仔唔夠熱，加上上面嘅雞肉仲係凍嘅，唔得！雖然依家進步左，有人將食物送上，唔駛自己拎！